خواص افسنتین، افسنطین
Wormwood
Artemisia Absinthium
Common wormwood
فیملی N.O.Compositae
دیگرنام : عربی میں خزق ، شيح ابن سينا، فارسی میں مردہ، افسنتین، بلوچی میں ترخ، ہندی میں مجری، مستیارہ، کرمالہ، سنسکرت میں ناگ ومنی اور انگریزی میں ورم وڈ
ماہیت : ایک بوٹی ہے جو زمین پرپھیلتے ہوئے ایک یا دو تین فٹ تک اونچی ہوجاتی ہے۔شاخیں ایک فٹ سے تین لمبی جن پر سفید روآں ہوتا ہے۔اس کی چھال سرخی مائل بادامی رنگ کی ہوتی ہے۔پتے دونوں طرف ملائم روئیں دار ریشم کی طرح سفیدی لئے ہوئے سبز اور کٹے ہوئے ہوتے ہیں۔پھولوں کی بہت سی  گنڈیاں سفیدی مائل زرد ہوتی ہیں۔ پھول چھوٹے گول سفیدی مائل دانے ہوتے ہیں۔جن کے اندرتخم بھرے ہوتے ہیں۔پتے اورپھول دونوں دواء مستعمل ہیں
بو : تمام حصوں سے تیز خوشبو
ذائقہ : سخت کڑوا
مقام پیدائش : پاکستان میں صوبہ بلوچستان، چترال، گلگت، جبکہ افغانستان میں پانچ ہزار سے سات ہزار تک فٹ کی بلندیو ں پر ہوتی ہیں اس کے علاوہ بھارت میں اتر پردیش تبت، کمایوں، افریقہ، امریکہ، پورپ، سائبریا میں پائی جاتی ہیں
مزاج : گرم خشک بدرجہ دوم
افعال :‌ محلل، مفتح، مدربول و حیض ، قاتل کرم شکم، مسکن درد ، مقوی معدہ، مقو ی جگر، مقوی دماغ ، دافع بخار
استعمال :‌ قدیم اطباء سے لے کر آج تک افسنتین کو امراض جگر مثلاًورم جگر اور استسقاء کے علاوہ پرانے بخار و ں میں بکثرت استعمال کرتے ہیں افسنتین کوپرانے بخاروں کو روکنے کیلئے استعمال کرنے میں اس کے علاوہ ضعف معدہ ہضم ،کرم شکم،کے ازالہ کیلئے کرتے ہیں۔ جالی ہونے کی وجہ سے اس کاباریک سفوف شہد کے ہمراہ جلد کے داغ دھبوں کو دورکرتاہے ضعف دماغ مرگی، رعشہ، فالج، لقوہ، استرخا وغیرہ کی مانند عصبی اور دماغی امراض کے علاوہ بواسیر میں بھی مستعمل ہے۔مراق و مالیخولیا میں بھی مفید ہے۔ دردگو میں اس کے جوشاندے کا بھپارہ رہتے ہیں۔ورم جگر ،ورم طحال پرانے بخاروں ،نوبتی بخاروں ،احتباس طمت اور تنگی حیض میں اس کا جوشاندہ خاص اثر اور نفع رکھتا ہے روغن بادام میں پکا کر کان میں ڈالنا بہرے پن ،کان کے زخموں اور درد گوش کیلئے مفید ہے۔جس جگہ افسنتین کو دھونی دی جائے وہاں کیڑے مکوڑے بھاگ جاتے ہیں۔اور افسنتین کو کپڑوں یا کتا بوں میں رکھا جائے تو کیڑا نہیں لگتا ہے۔افسنتین کا پانی سیاہی میں ڈال دیں تو اس کی بو ختم ہو جاتی ہے اور عرصہ تک پیدا نہیں ہوتی
فوائد خاص : نافع حمیات مرکب و بلغمیہ
مضر : معدہ
مصلح : شربت انار اور انیسون
مقدارخوراک : دو سے پانچ گرام
مزید تحقیقات : ڈیڑھ فیصدی والے ٹائل آئل ،اڑنے والے تیل،ایب سن تھن،نصف ایک کڑوا جوہر رال کی طرح ،پانچ فیصد سبز رال،سٹونین خفیف مقدار میں بعض دھا تیں مثلاً فولاد وغیرہ
مرکب : عرق افسنتین،سفوف افسنتین وغیرہ،سفوف افسنتین وغیرہ

دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal