خواص سنکھیا، سم الفار، مرگ موش، آرسینیک
Arsenic
دیگرنام : عربی می سم الفار یا شک، فارسی میں مرگ موش، ہندی میں سنکھیا، انگریزی میں آرسینک، اور گجراتی میں شومل، کھار کہتے ہیں
ماہیت : سکھی امعدنی گندھک سرمہ سیاہ اور سونامکھی کے ہمراہ کان سے نکلتا ہے خالص حالت میں بہت کم نکلتاہے ناخالص حالت میں اس کو خالص قسم کی بھٹی میں آنچ وغیرہ دیتے ہیں تو گندھک اور لوہا وغیرہ میں پگھل کر علیحدہ ہوجاتاہے سنکھیا آکسیجن کے ہمراہ بخارات بن کر ٹھنڈی جگہ جمع ہوکر جم جاتاہے
اس کا ذائقہ پھیکا ہوتاہے
اقسام سنکھیا : اس کی کئی اقسام ہیں 1 بلوری 2 دودھیابہترین قسم سمجھی جاتی ہے بلوری قسم تیس گنا اور دودھیا قسم اسی گناپانی میں حل ہوجاتاہے
مزاج : گرم خشک درجہ چہارم ، زہر قاتل
افعال : مقوی بدن مقوی اعصاب وباہ ،دافع امراض ،بلغمی وریاحی مقوی معدہ ،مصفیٰ خون ،دافع حمیات قاتل جراثیم اکال مجفف قلت الدم
استعمال : سنکھیا کوضعف بدن قلت الدم ضعف معدہ ،لقوہ وجع المفاصل عرق النساء درد کمر سرفہ ضیق النفس اور دیگر بلغمی امراض میں استعمال کیاجاتا ہے مصفیٰ خون ہونے کے باعث جذام آتشک برص اور دیگر امراض فساد خون و جلدیہ میں مستعمل ہے
بخاروں کے علاج میں سنکھیا کو ایک خاص اہمیت حاصل ہے خاص طور پر نوبتی بخاروں بلغمی بخاروں میں کھلاتے ہیں اور مقوی باہ ادویات میں شامل کرتے ہیں
اکال ہونے کے باعث بعض جلدی امراض کے مرہم میں بھی ملاتے ہیں بواسیری مسوں کے گرانے کیلئے طلاء مستعمل ہے اور مقوی باہ طلاؤں میں شامل کرتے ہیں
فوائد خاص : مقوی باہ وجع المفاصل
مضر : زہرقاتل ہے
مصلح : روغن زرد، گائے کا دیسی گھی، کتھ
بدل : ایک قسم دوسرے کی بدل ہے
کشتہ سنکھیا کشتہ سم الفار
زیادہ ترکشتہ ہی اندرونی طور پر امراض مذکورہ میں استعمال کرتے ہیں دونوں صورتوں میں احتیاط اور معالج کا مشورہ ضروری ہے باہ اور اعصاب کی خاص دوا ہے
مقدارخوراک : سنکھیا کی چاول کے سولہواں حصہ سے تیسرے حصے تک ہمراہ دودھ
کشتہ سنکھیا کی مقدارخوراک ایک سے دو چاول ہمراہ دودھ یا مکھن وغیرہ سے ۔یہ کشتہ زہریلاہے مقدارخوراک سے زیادہ ہرگز استعمال نہ کریں
خاص بات : اس کے مرکبات ایلوپتھی میں بھی استعمال کئے جاتے ہیں اور آرسینک ہومیوپتھیک میں بھی استعمال ہوتاہے۔جو عام بخاروں سے لے کر کینسر تک کی دواء ہے
نسخہ سنکھیا جو کہ برص،جذام،نسور،بھگندر وغیرہ کی آخری اور اکسیری دواء ہے
نسخہ الشفاء : رسکپور 40 گرام، دارچکنہ 30 گرام، ۔شنگرف 20 گرام، سم الفار 10 گرام، ہڑتال ورقیہ اعلی 6 گرام، سیماب مصفی 6 گرام، طوطیا سبز 6 گرام، مردارسنگ 6 گرام، سونا مکھی 6 گرام، نوشادر 6 گرام
ترکیب تیاری : ان تمام ادویہ کو ایک پہر تمہ کے پانی میں کھرل کر کے خشک کر لیں پھر دو کورے پیالوں میں نرم آنچ پر تین گھنٹہ تک جوہر اڑائیں پھر اوپر والے پیالے سے جوہڑ اتار کے محفوظ کر لیں
مقدارخوراک : نصف چاول مکھن میں لپیٹ کر دیں
فوائد : اعظم خنازیر،بھگندر،ناسور،برص،جذام،وجع المفاصل کی آخری اور اکسیری دواء ہے
نوٹ : دوران دوائی صرف چنے کی روٹی دیسی گھی میں چُور کر کے کھائیں بغیر نمک اور میٹھے کے استعمال کریں ۔نمک اور میٹھی چیز ہر گز استعمال نہ کرائیں
سنیاسی راز جس کی دو سے تین خوراکیں بوڑھوں کو کامل مرد بنائے
نسخہ الشفاء : چاندی برادہ تیزابی 10 گرام، سم الفار 10 گرام
ترکیب تیاری : دونوں کو آب پھٹگنڈا کے پانی سے کھرل کرکے ٹکيہ بنا کر خشک ہونے کے بعد بند گل کرکے ایک کلو کی آگ دیں سرد ہونے پر نکال کر دستور موجب سم الفار ڈال کر آب پھٹگنڈا سے کھرل کرکے ٹکيہ بنا کر خشک ہونے پر بند گل کرکے ڈیڑھ کلو کی آگ دیں اسی طرح دستور موجب تیسری آگ دو کلو کی دیں
سم الفار سفید 10 گرام کو آب پھٹگنڈا ایک پاٶ کے چویہ دیں، اب 3 گرام سم الفار اور چاندی کھرل کریں بند گل کرکے ایک پاٶ کی آگ دیں اس طرح ہر بار 3 گرام سم الفار ڈال کر ایک ایک پاٶ کی چار آگ دیں،  مصفی پارہ 10 گرام، 3 گرام چاندی سے کھرل کریں بند گل کرکے ایک پاٶ کی آگ دیں، اسی طرح چار آگ دیں بس اب تیار سمجھیں
پیس کر محفوظ رکھیں
مقدار خوراک : بوڑھے کو نصف چاول مکھن سے دو سے تین خوراک کافی ہیں نوجوان کمزور کو خشخاص کے دانے برابر زیادہ سے زیادہ دو خوراک ایک کلو دودھ کیساتھ
فوائد  : قوت باہ میں اکسیر کا حکم رکھتا ہے

دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal