خواص بھنگ، حشیش، ورق الخیال
Cannabis Hemp
دیگرنام: عربی میں قضب یا ورق الخیال ،فارسی میں حشیش یا بنگ ،بنگالی میں سدھی ،گجراتی میں بھانگیہ اور انگریزی میں کنابس انڈین ہمیپ کہتے ہیں
یہ بھی یاد رکھیں کہ یہ بھنگ پاکستان اور انڈیا میں پیدا ہونے والی بھنگ کے خواض ہیں جبکہ امریکہ میں پیدا ہونے والی بھنگ کے خواص مختلف ہیں
اصلاحی نام : نشاط افزاء،حشیش الفقرات ،فلک سیروغیرہ
ماہیت : مشہور عام منشی ہے
جو ایک گز سے لے کر پانچ گز بلند ہوتا ہے۔ اس کی باریک باریک شاخیں ہوتی ہیں۔ جن پر چار پانچ پتے لگے ہوتے ہیں۔پتوں کی شکل کسی قدر نیم کے پتوں سے مشابہ ہوتی ہے۔جو گہرے سبز اور کھردرے ہوتے ہیں۔ پھول سفید رنگ اور تخم چھوٹا سا گول ہوتا ہے۔ جس کو تخم قنب یا شہدانہ بھی کہتے ہیں
رنگ  : پتے سبز رنگ کے
ذائقہ : تلخ اور تیز ہوتا ہے
اقسام : بھنگ کا پودا دو قسم کا ہوتا ہے مذکر اور مونث مذکر قسم زیادہ بلند اور طویل القامت ہوتا ہے اس کے پتے زیادہ گھنے اور سیاہی مائل ہوتے ہیں
مادہ مونث بھنگ کی پھول دار شاخوں کو جن پر رال دار مادہ لگا ہوتا ہے جسے گانجا کہتے ہیں۔جو لیس دار رطوبت بھنگ کے پتوں پر لگی ہوتی ہے اور ہاتھ کو چپک جاتی ہے چرس کہتے ہیں
مقام پیدائش : پاکستان خصوصاً ٹیکسلا راولپنڈی سے پشاور تک۔ سندھ اور ہندوستان ایران عراق مصر وغیرہ
دس ہزار فٹ کی بلندی پریہ بالکل نہیں ہوتی ۔سرد معتدل ممالک میں پیدا ہونے والی بھنگ اپنے افعال و خواص میں ایسی قوی نہیں ہوتی جوکہ گرم ممالک بالخصوص پاکستان اور انڈین میں پیدا ہونے والی بھنگ کومنی ،جون،اور جولائی میں خشک کر کے جمع کر لیتے ہیں
مزاج : گرم خشک درجہ سو
افعال : قابض، مقوی معدہ و مشہتی ،مفرح و ممسک مجفف منی۔ مسکن الم منوم دافع تشنج مورث ہذیان مسکر
استعمال : قابض، مقوی معدہ اور مشہتی ہونے کے باعث سوءہضم اسہال اور زحیر میں استعمال کرتے ہیں۔ قابض ہونے کی وجہ سے کثر ت حیض میں بھی سفوفاًکھلاتے ہیں۔مسکن الم ہونے کی وجہ سے اندرونی اور بیرونی طور پر تسکین درد کیلئے استعمال کرتے ہیں۔ بواسیری مسوں کے درد کو تسکین دینے کی غرض سے اس کو شیر گاؤ میں جوش دے کر بھپارہ دیتے ہیں اور بھنگ کو دودھ سے نکال کر اس کی ٹکیہ بنا کر باندھتے ہیں۔
شقیقہ اور دائمی درد سر میں اندرونی طور پر بھی استعمال کرتے ہیں
منوم ہونے کی وجہ سے سحر،ہذیان اور جنون میں بھی مفید ہے۔ مسکن الم اور دافع تشنج ہونے کی وجہ سے کالی کھانسی، درد جگر قولنج اور کزاز میں بھی استعمال کراتے ہیں۔ مشتہی ،مفرح اور مقوی باہ و ممسک ہونے کی وجہ سے اکثر مقوی باہ معاجین اور مفرحات کا جزو اعظم ہے
بھنگ کا بکثر ت استعمال یا متواتر استعمال سقوط اشتہا ،بے خوابی لاغری جسم ضعف باہ وغیرہ عوارض لاحق ہوتے ہیں۔اور دماغ پر ایسا مضر اثر پڑتا ہے کہ مریض دیوانہ ہوجاتاہے
فوائد خاص : مسکن اور نشاط آور۔
مضر : ضعف بصر، مورث جنون مالیخولیا وغیرہ
مصلح : گھی اور دودھ
مزید تحقیقات : کیستا بینول ،کیستا بیڈ بول،کیسنین اور کیستا بول جیسے قلم دار مرکبات کے علاوہ کچھ روغن فراری کیلشم کاربونیٹ وغیرہ اجزاء پائے جاتے ہیں
مقدارخوراک :‌معجون فلک سیر، معجون مقوی ممسک سفوف کبیر جو کہ حمیٰ اجامیہ اسہال اور دردوں میں استعمال ھوتا ہے۔اس کے علاوہ پیشاب کی جلن اور پیلے پن کو دور کرتا ہے
بھنگ گھرت (روغن بھنگ) یہ ویدک نسخہ جودھ پور -مارواڑ وغیرہ مین جریان، احتلام اور سرعت کے لیے بکثرت مستعمل ہے
نسخہ الشفاء : سبز بھنگ کے پتوں کو ذراسا بریاں کر کے انکو باریک پیس کر سردائی بنالیں اور چھان کر دودھ بھینس میں ڈالیں اور جوش دے کر ضامن لگا کر دھی جما دیں.پھر بلو کو مکھن نکالیں
مقدار خوراک : چار سے آٹھ بوند کھانڈ ملا کر استعمال کریں
سففوف مغلظ نسخہ
نسخہ الشفاء : بہوپھلی  25 گرام، تخم لاجونتی 25 گرام، تخم اوٹنگن 25 گرام، تخم سریالہ25 گرام، سمندر سوکھ 25 گرام، تال مکھانہ 25 گرام، بیج بند 25 گرام، کشتہ قلعی در بھنگ شورہ 25 گرام، اجوائن خراسانی 10 گرام،  کوزہ مصری 250 گرام
ترکیب تیاری : تمام ادویہ کو پیس کر باریک سفوف بنا لیں
مقدار خوراک : ایک چھوٹا چمچ چائے والا صبح شام خالی پیٹ ایک گلاس نیم گرم دودھ کیساتھ پندرہ دن استعمال کریں
فوائد : تین تا پانچ خوراکوں میں دھات جریان بند ,رقت منی ,جرا ثیم میں اضافہ