خواص بالچھڑ، سنبل الطیب

Jatamansi، Balchar، Jata Mansi، Nardostachys، Jatamansi
دیگرنام : عربی میں سنبل الطیب، بنگالی میں جٹامانسی، سندھی میں سرہی مر، ہندی میں بالچھڑ
ماہیت : اس کا پودا پانچ انچ سے دو ڈھائی فٹ تک بلند ہوتا ہے جس پر کھردرے روئیں ہوتے ہیں جڑ کے پاس پانچ چھ شاخیں سادھولوگ کی جٹاؤں جیسی نکلتی ہیں
پتے تعداد میں چھوٹے چھ یا سات انچ لمبے ڈیڑھ انچ چوڑے لیکن سروں پر نوکدار اور چکنے ہوتے ہیں
پھول : گلابی یا نیلے رنگ کے لیکن گچھوں میں ہوتے ہیں
جڑ : انگلی کے برابر موتی سرخی مائل بھوری جس پر روئیں ہوتے ہیں لیکن خوشبو دار ہوتی ہیں
بالچھڑ کی دوسری قسم 
Valeriana .Officianalis
مقام پیدائش : بالچھڑ عموماًسات ہزار فٹ سے سولہ ہزار فٹ تک اونچائی پر پیدا ہوتی ہے شمالی کشمیر کے علاوہ ہندوستان کے ضلع کمیاوں، کانگڑہ، نیپال، بھوٹان، جہاں برف گرتی ہے پیدا ہوتی ہے جبکہ دوسری قسم آٹھ ہزارفٹ کی اونچائی تک پیدا ہوتی ہے یہ کلو کشمیر، برما، سیلون اور یورپ میں پیدا ہوتی ہے اس کے خواص بھی پہلی قسم کی طرح ہی ہیں
مزاج : گرم اول خشک درجہ دوم
افعال : محلل ،مسخن، مفتح، جالی،مطیب دہن و عرق، کاسرریاح مقوی قلب ودماغ و باہ مدرحیض مقوی معدہ و جگر
استعمال : کاسرریاح منفج،مقوی گرو معدہ ہونے کے علاوہ یہ اندرونی طور پرحرکت دودیہ کو تیز کر کے معدہ وآنتوں کے ہضم کے فضل کو تیز کرتا ہے اور نفع شکم دور کرتا ہے بعض اطباء اس کو کیڑوں کو مارنے کیلئے استعمال کرتے ہیں اس کو منہ میں چباتے اورپان وغیرہ میں ڈال کر کھاتے ہیں مسکن ومقوی دماغ ہونے کی وجہ سے ہسٹریااور صرع کے علاوہ عورتوں کے ایام حیض احتلا ج القلب،دردسر،دوران، سر کو دورکرتاہے درد سر عصبی شقیقہ میں مفید ہے مدرحیض ہونے کی وجہ سے اکثر معجونوں میں استعمال کرتے ہیں اورام رحم ومثانہ میں کھلایاجاتاہے یرقان اورام جگر ورحم کیلئے بھی نافع ہے استسقاءلحمی اور دماغی کو تقویت دینے کیلئے بھی مستعمل ہے
بیرونی استعمال : مطیب عرق وجالی ومحسن لون ہونے کی وجہ سے ضماد چہرے اور بدن کے داغ دھبے دور کرکے چہرے کو بارونق بناتاہے نیزابٹنوں میں شامل کر کے پسنہ وبغلکی بدبو کو دور کیا جاتاہے اور یہ یرقان اورام جگر ورحم کیلئے بھی نافع ہے
نفع خاص : مقوی جگر و دماغ
مضر : گردے کیلئے
مصلح : روغن گل
بدل : اذخرمکی
مزید تحقیقات : اس میں ایک ہلکا روغن اڑنے والا ہوتا ہے اس میں روغن ویلری ،اے ٹک ایسڈ، پانی نین ٹک ٹرپین اور بورنیوال کے ساتھ ملی ہوئی حالت میں پایاجاتا ہے جبکہ ایک فیصدی رال جیسا کالا مواد چھ سات فیصدی کافور گوند ،خوشبو والا مواد اور دیگر اشیاء
مقدارخوراک : تین سے پانچ گرام
مشہورمرکبات : حب اریاح انوشدارو، برشعشا، جوارش،جالینوس، معجون، بیدالورد ، دوالمسک معتدل ،خمیرہ ابریشم، مفرح یا قوتی تریاق بطن

دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal