خواص گل منڈی، منڈی ، گورکھ منڈی
خواص گل منڈی، منڈی ، گورکھ منڈی
Sphaeranthus Hirtus
دیگرنام : فارسی میں کمادریوس ہندی میں گورکھ منڈی گجراتی میں بیری کلار اورانگریزی میں سپرینتھس ہرٹس لاطینی Sphaerathusi Indicus
ماہیت : اس کا پودا ڈیڈھ فت اونچا شاخوں والااور پھیلاہوتاہے۔پتے چھوٹے بیضوی شکل کے روئیں دارہوتے ہیں ۔کچا پھول نرم ہموار منڈے ہوئے سر کی طرح ہوتے ہیں اور پک کر سخت ہوجائے تو پھل کہاجاتاہے۔اس لئے اس کو گل منڈی بھی کہاجاتاہے۔یہ برسات میں پیدا ہوتاہے۔نومبردسمبر میں پھلتاپھولتاہے
اقسام : یہ دوقسم کی ہوتی ہے
نمبر 1 : منڈی کاپودا چھوٹا ہوتاہے اورعموماًیہی دواء استعمال ہوتی ہے۔یہ قسم زمین پر مفروش ہوتی ہے۔جس کے پتے پودینہ کی مانندلیکن موٹے اور روئیں دارہوتے ہیں ۔پھول و پھل لگتے ہیں جن کو گل منڈی کہتے ہیں
نمبر 2 : دوسری قسم بڑی ہے ۔اسکو مہانڈی یا بڑی منڈی کہتے ہیں دونوں کے افعال و خواص یکساں ہیں
مقام پیدائش :ہندوستان ،پاکستان
مزاج : گرم خشک درجہ دوم
افعال : مصفیٰ خون ،مقوی قلب و حواس ،نافع امراض سودایہ
استعمال : گل منڈی کو مصفیٰ خون کی وجہ سے جلدی امراض مثلاًپھوڑے پھنسیان تروخشک خارش کے علاوہ داد اورام و ثبور آتشک و جذام میں تنہا یا دیگر ادویہ کے ہمراہ شیرہ نکال کر یا نقوح بناکر یاسفوف استعمال کرتے ہیں جوکہ نافع امراض سودایہ ہے
مقوی قلب و مقوی حواس ہونے کے باعث ضعف قلب مالیخولیا خفقان اور دماغ وغیرہ میں اس کاعرق بطریق معروف نکال کر یا شربت بابنا کربھی استعمال کرایاجاتاہے ۔گل منڈی آنتوں کی قوت ماسکہ کو تقویت دیتی ہے۔اس لئے کہ یہ قبض کرتی ہے
پھول آنے سے قبل سالم بوٹی کو اکھیڑ کر سایہ میں خشک کرکے ہموزن مصری یا شہد میں ملاکر تقویت حواس کے لئے استعمال کرتے ہیں امراض باردہ اور تقویت باہ کے لئے مفید خیال کیاجاتاہے۔تازہ پھول کا استعمال آنکھوں خصوصاًرمداور آشوب چشم میں مفیدہے
خیال ہے کہ اس میں ہلیلہ اور آملہ کی طرح عرصہ داراز تک صحت و جوانی کو قائم رکھنے کی خاصیت پائی جاتی ہے
نفع خاص : مصفیٰ خون
مضر : گرم مزاج کو
مصلح : بھنگرے کا پانی
بدل :برہم ڈنڈی و سرپھوکہ
مقدارخوراک : سات گرام سے دس گرام تک
مشہور مرکب : عرق منڈی ،نقوع شاہترہ وغیرہ میں
عرق منڈی : خون کو صاف کرتاہے۔چہرے کے رنگ کو نکھارتاہے۔اس کے استعمال سے مزمن خارش دورہوجاتی ہے الرجی یعنی حساسیت کو مفیداور بینائی کو طاقت دیتاہے
مقدارخوراک : ایک کپ نہار منہ صبح
نسخہ فشارالدم
نسخہ الشفاء : گل نیلوفر10 گرام، آلو بخارا 10 گرام، گل بنفشہ 10 گرام، سنبل الطیب 10 گرام، برگ پودینہ 10 گرام، گل منڈی 10 گرام، پوست ترنج 10 گرام، بادرنجبویہ 10 گرام، کشنیز10 گرام، عرق گلاب 1 لیٹر
ترکیب تیاری : عرق گلاب میں ایک جوش دے کر رکھ لیں
مقدارخوراک : دو بڑے کھانے والے چمچ صبح وشام خالی پیٹ استعمال کیا کریں
فوائد : فشار الدم اعتدال میں آ نے کے بعد خمیرہ ابرشم ا رشدو الا قرص جواھر مہرہ کے ساتھ نہارمنہ جوارش شاھی رات کو استعمال کریں
دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کوئی کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر کے بغیر پاکستان اور پوری دنیا میں ھوم ڈلیوری کے لیے دستیاب ہیں تفصیلات کے لیے کلک کریں
فری مشورہ کے لیے رابطہ کر سکتے ہیں
Helpline & Whatsapp Number +92-30-40-50-60-70
Desi herbal, Desi nuskha,Desi totkay,jari botion se ilaj,Al shifa,herba