خواتین  کی چھاتیوں سائز، بریسٹ سائز، بڑھانے کیلئے دیسی علاج
بہت سی خواتین بریسٹ سائز بڑھانے کیلئے مختلف طریقے استعمال کرتی ہیں چند قدرتی طریقے اپنا کر آپ بریسٹ سائز کو بڑھا سکتی ہیں، اچھی اور معیاری خوراک کے ساتھ ساتھ باقاعدہ طور پر ورزش کو اپنا معمول بنایا جائے اور ہوسکے تو کسی جم یا کلب میں مخصوص چیسٹ ایکسر سائز کی جائے اس سے آپ کی چھاتی کے مسلز مضبوط ہوں گے اور بہتر طور پر نشونما پاسکیں گے
نسخہ الشفاء : شہد 10 گرام، روغن ارنڈ 10 گرام، میں ملا کر نیم گرم کریں اور ہلکے ہاتھ سے بریسٹ پر مالش کریں بعد میں برگ ارنڈ اوپر سے باندھ لیں اس عمل سے بریسٹ دن بدن بڑھنا شروع ہوجائیں گے لیکن شرط یہ ہے کہ یہ عمل متواتر ایک ماہ کیا جائے
اگر بریسٹ میں ورم ہو تو عرق گلاب، اسپغول کی بھوسی اور سرکہ ان تمام چیزوں کو بریسٹ پر لگائیں
سرکہ انگوری میں کپڑا تر کرکے ہر وقت بریسٹ پر لپیٹ کر رکھیں اس سے بہت جلد ہی بریسٹ کا سائز بڑا ہونا شروع ہوجاتا ہے

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

بادام کھانے کے  فائدے

بادام کھانے کے فائدے جاننے کے لیے یہ پورا مضمون پڑھیں بادام اپنی غذائی افادیت کی وجہ سے خشک میووں کا بادشاہ کہلاتا ہے اسے پوری دنیا میں بڑی رغبت سے کھایا جاتا ہے یہ بچوں، جوانوں اور بوڑھوں کے لیے یکساں مفید ہے بادام میں وہ سب عناصر وافر مقدار میں پائے جاتے ہیں جو انسانی جسم کے لیے ضروری ہوتے ہیں، یہ ایک ایسی اعلی درجہ کی غذا ہے جس سےجسم اور دماغ دونوں کو فائدہ حاصل ہوتا ہے  یہ بہت سی بیماریوں کا علاج بالغذا ہے
بادام کے غذائی اجزاء
بادام کے سو گرام مغز میں پروٹین 20.8%، معدنیات 2.9%، پانی 5.2%، چکنائی 58.9%، کاربوہایئڈریٹس 10.5% اور ریشہ 1.7%ہوتا ہے، جبکہ معدنی اجزا میں فاسفورس 490 ملی گرام، فولاد 4.5 ملی گرام، کیلشیم 230 ملی گرام، نایاسین 44 ملی گرام اور وٹامن بی کمپلیکس کی کچھ مقدار شامل ہوتی ہے، اس میں پائی جانے والی چکنائی ایک فائدہ مند چکنائی قرار دی جاتی ہے جو صحت کے لیے مفید ہوتی ہے
بادام سے متعلق معلومات
بادام کا مزاج گرم اور تر ہوتا ہے، اس کی دواقسام ہوتی ہیں، شیریں اور تلخ، کھانے کے لیے صرف شیریں قسم کا استعما ل کرناچاہیئے تلخ قسم کو کھانے سے منع کیا جاتا ہے
ضروری ہے کہ موسم کی مناسبت سے اس کو صحیح طریقہ سے استعمال کیا جائے، سردی کے موسم میں لوگ اس کو آسانی سے ہضم کر لیتے ہیں، گرمیوں میں بعض گرم مزاج کے لوگوں کو یہ موافق نہیں آتا، ایسے لوگ اس کا استعمال سردائی کی صورت میں کر سکتے ہیں
اس کو کھانے کا بہترین طریقہ یہ ہے کہ اس کو خوب چبا چبا کر کھایا جائے تاکہ اس میں لعاب دہہن شامل ہوتا رہے اس طرح سے یہ زود ہضم ہو جاتا ہے
بادام کھانے کے فائدے
بادام کی تمام خوبیوں کا دارومدار کاپر، فولاد اور وٹامن بی 1 کے طبی کردار پر ہے یہ اجزا آپس میں مل کر توانائی کو منظم کرتے ہیں انہی اجزا کی وجہ سے دل، دماغ، اعصاب، جگر اور ہڈیوں کی کارکردگی بہتر ہو جاتی ہے
بادام کھانے سے اعصاب مضبوط ہوتے ہیں اور جسم پھلتا پھولتا ہے اس میں شامل نشاستہ اور پروٹین کی وجہ سے جسم کو طاقت ملتی ہے۔ یہ جسم میں چربی کو بڑھنے نہیں دیتا، کیلشیم کی وجہ سے دانت اور ہڈیاں مضبوط ہو جاتے ہیں
جسمانی کمزوری دور کرنے کے لیے بادام انتہائی مفید ہے، صالح خون پیدا کرتا ہے، پورے بدن کی خشکی کو دور کرتا ہے اگر 12 دانے بادام، 2 گرام کشمش کے ساتھ رات بھر پانی میں بھگو کر رکھیں اور صبح نہار منہ اچھی طرح چبا چبا کر کھایئں تو جسمانی کمزوری دور ہو جاتی ہے
نظر کی کمزوری کے لیے ایک نسخہ بہت زیادہ مستعمل ہے، روزانہ رات کو سونے سے پہلے 7 عدد بادام، 6 ماشہ سونف اور ایک تولہ مصری کو پیس کر گرم دودھ کے ساتھ کھایئں۔ صرف 40 روز تک ایسا کرنے سے آپ کی عینک یا تو اتر جائے گی یا اس کا نمبر کم ہو جائے گا۔ خیال رہے کہ سونے سے پہلے اس کی خوراک لینے کے بعد پانی نہیں پینا بینائی کے لیے مفید ہونے کے علاوہ دماغی کام کرنے والوں کے لیے یہ ایک نعمت ہے، اس میں حراروں یعنی کیلوریز کی مقدار کافی زیادہ ہوتی ہے۔ اعصابی اور دماغی کمزوری کی وجہ سے اگر آپ تھوڑا سا کام کر کے تھک جاتے ہیں تو ایسے میں بادام کا استعمال آپ کی کھوئی ہوئی قوت کو بحال کر سکتا ہے
کچھ مزید فوائد اور خواص
بادام کے باقاعدہ استعمال سے مردانہ طاقت میں اضافہ ہوتا ہے، اس مقصد کے لیے بادام اور بھنے ہوئے چنے برابر مقدار میں لے کر روزانہ چبا کر کھا لیا کریں، یہ عمل منی میں اضافہ کرنے کے علاوہ جنسی قوت کی بحالی میں مددگار ثابت ہو گا
سردی کے موسم میں اگر بند نزلے کی شکایت ہو جاتی ہو تو یہ نسخہ استعمال کریں 11 عدد بادام لے کر ایک کپڑے میں لپیٹ لیں اور ان کو گرم بھاپ میں رکھ دیں، کچھ منٹوں کے بعد انہیں نکال کر گرم گرم کھا کر بند کمرے میں لیٹ جایئں  صرف چندہی دن کے عمل سے بند نزلہ ٹھیک ہو جائے گا، جبکہ سردیوں میں باقاعدہ بادام کھانے سے نزلہ ہو گا ہی نہیں
وزن بڑھانے کے خواہش مند نوجوان روزانہ رات کو10 بادام اور 2 تولہ سبز کشمش کو پانی میں بھگو کر رکھ دیں، صبح اٹھ کر بادام چھیل کر کشمش کے ساتھ چبا کر کھا لیں اور اس کے بعد ایک گلاس دودھ پی لیا کریں، دو ماہ تک مسلسل ایسا کرنے سے وزن بھی بڑھ جائے گا اور صحت بھی اچھی ہو جائے گی اکثر لوگ جب کافی دیر تک کام کرنے کے بعد اچانک اٹھ جاتے ہیں تو ان کا سر چکرا جاتا ہے اور آنکھوں کے سامنے اندھیرا سا آ جاتا ہے، اس کی وجہ دماغی کمزوری ہوتی ہے، ایسے لوگوں کو چاہیئے کہ روزانہ 10 عدد بادام خوب چبا چبا کر کھا لیا کریں
جن لوگوں کو گلے میں بلغم کی شکایت ہوتی ہے، ایسے لوگ اگر روزانہ صبح خالی پیٹ 5 دانے بادام کے ساتھ 3 دانے کالی مرچ کے ملا کر خوب چبا کر کھا لیا کریں تو یہ شکایت دور ہو جائے گی۔ جبکہ گلے کی خراش کی صورت میں بادام کو نمک لگا کر خوب اچھی طرح چبا کر کھایئں تو فائدہ ہو گا
اگر بادام کو انجیر کے ساتھ ملا کر صبح نہار منہ کھایا جائے، تو اس سے آنتوں کی غلاظت دور ہو جاتی ہے غرض یہ کہ بادام اللہ تعالی کی ایک بے حد قیمتی نعمت ہے
بادام کا تیل یعنی روغن بادام
بادام کا تیل بھی نکالا جاتا ہے جو کہ قبض کشا ہونے کے علاوہ خشک کھانسی، مثانہ کی خارش اور آنتوں کی سوزش میں استعمال کیا جاتا ہے، اس تیل کو دودھ میں ملا کر پیاجائے تو آنتوں کی خشکی کو دور کر کے قبض کا خاتمہ کرتا ہے کمر میں درد کے لیے رات کو سوتے وقت کمر پر روغن بادام کی مالش کروائیں، جبکہ خشک خارش کے علاج کے لیےبھی اس کی مالش مفید ہے
اگر ایک چمچ روغن بادام کو ایک چمچہ آملہ کے رس کے ساتھ ملا کر روزانہ سر پر مساج کیا جائے تو بال گرنا بند ہو جاتے ہیں، نیز یہ بالوں کو سفید ہونے سے بھی روکتا ہے
اگر آپ کے سر میں درد رہتا ہے تو ایک چمچ بادام کے تیل میں ایک ماشہ پسی ہوئی زاعفران ملا دیں، اب اس کو دن میں 2 یا 3 بار کچھ دیر کے لیے سونگھئے تو درد میں آرام آ جائے گا
سر پر اس کی مالش کرنے سے ناصرف بال مضبوط ہوتےہیں بلکہ اچھی اور گہری نیند بھی آتی ہے، حاملہ خواتین اگرآخری مہینوں میں اس کو روزانہ پی لیا کریں تو بچے کی ولادت میں آسانی ہوتی ہے
اس کی تلخ قسم کا تیل کاسمیٹکس میں استعمال کیا جاتا ہے، رنگ گورا کرنے اور چھائیاں دور کرنے والی کریموں میں اس کا استعمال کافی زیادہ ہے اسی وجہ سے بین الاقوامی کاسمیٹکس کی مارکیٹ میں تلخ قسم کی مانگ بہت زیادہ ہے ترقی یافتہ ممالک میں تلخ اور شیریں اقسام کو الگ الگ کھیتوں میں کاشت کیا جاتا ہے تاکہ یہ آپس میں مل نہ جائیں۔ چونکہ ہمارے ہاں ایسا نہیں کیا جاتا اسی وجہ سے یہاں ہر چوتھی یا پانچویں گری تلخ نکل آتی ہے
اس مضمون میں ہم نے جوتھوڑے سے بادام کے فائدے اور خواص بیان کیے ہیں، انہیں جان کر یقینا آپ اس کا باقا عد گی سے استعمال کرنا پسند کریں گے
اگر بے وقت بھوک لگے تو چپس یا بسکٹ کی بجائے مٹھی بھر بادام کھالیں، یہ وہ مثالی گری ہے جسے دن بھر کھایا جاسکتا ہے، جس سے نہ صرف جسمانی توانائی میں اضافہ ہوتا ہے بلکہ متعدد طبی مسائل کا خطرہ بھی کم ہوتا ہے، بادام متعدد اجزاء کے حصول کا قدرتی ذریعہ ہے جن میں پروٹین اور صحت بخش چربی قابل ذکر ہیں روزانہ 30 گرام تک بادام کھانا صحت کے لیے فائدہ مند ہے اسکے غذائی اجزاءجسم کو فراہم کرتے ہیں بادام کھانا موٹاپے کی روک تھام کے لیے بہترین اس کے فوائد درج ذیل ہیں روزانہ 30 عدد میں بادام کھانا خون میں چربی کی سطح میں کمی لانے میں مدد دے سکتا ہے، یہ چربی امراض قلب کا خطرہ بڑھاتی ہے جو لوگ بادام روزانہ کھانا پسند کرتے ہیں، ان میں کسی بھی مرض کے نتیجے میں درمیانی عمر میں موت کا خطرہ ان افراد کے مقابلے میں 20 فیصد کم ہوتا ہے جو بادام کھانا پسند نہیں کرتے
روزانہ کچھ بادام کھانے سے صحت کے لیے نقصان دہ کولیسٹرول کی سطح میں کمی آتی ہے جس سے ہارٹ اٹیک اور فالج کا خطرہ کم ہوتا ہے، گریوں کے فوائد اور پکوان اسی طرح بادام میں وٹامن اور ایسے اجزاءموجود ہوتے ہیں جو بالوں کی نشوونما اور مضبوطی کے لیے ضروری ہوتے ہیں، جیسے میگنیشم اور زنک بالوں کی نشوونما بہتر کرتے ہیں جبکہ وٹامن ای بالوں کو مضبوط اور وٹامن بی چمکدار بناتے ہیں، بادام میں مینگنیز نامی جز بھی موجود ہوتا ہے جو کہ کولیگن نامی ایک پروٹین کی مقدار بڑھاتا ہے۔جس سے جلد کو ہمرار رکھنے میں مدد ملتی ہے اور یہ بتانے کی ضرورت نہیں کہ باداموں کی کچھ مقدار کو روز کھانا جسمانی میٹابولزم کو بہتر بناکر موٹاپے اور توند سے نجات دلانے میں مدد دے سکتا ہے
بادام کو دماغی غذا بھی کہا جاتا ہے جو کہ یاداشت کو بہتر بناتا ہے اور اس کی وجہ وٹامن ای اور فیٹی ایسڈز کی موجودگی ہے، آسان الفاظ میں یہ میوہ بڑھتی عمر کے اثرات دماغ پر طاری نہیں ہونے دیتا

لونگ کا یہ فائدہ زندگی آسان بنادے
نسخہ الشفاء : معدے میں تیزابیت اس وقت ہوتی ہے جب گیسٹرک گلینڈز میں تیزابی سیال کی سطح بڑھ جاتی ہے جو کہ گیس، سانس میں بو، پیٹ میں درد اور دیگر امراض کا باعث بنتی ہے
عام طور پر معدے میں تیزابیت کی وجہ کھانے کے درمیان طویل وقفہ، خالی پیٹ ہونا یا بہت زیادہ چائے، کافی یا تمباکو نوشی کا استعمال وغیرہ ہوتا ہے
جب تیزابی سیال معمول سے زیادہ ہوجائے تو سینے میں جلن یا تیزابیت کا احساس ہوتا ہے
اس کی دیگر علامات میں معدے میں جلن کا احساس، سانس میں بو، بدہضمی، منہ میں دیر تک تلخ ذائقے کا احساس، متلی اور قبض وغیرہ ہیں
جب معدے میں تیزابیت کے شکار ہوں لیٹنے سے گریز کریں کیونکہ اس سے مسئلہ سنگین ہوسکتا ہے
مگر کیا آپ کو معلوم ہے کہ کچن میں ہر وقت موجود رہنے والی ایک چیز معدے کی تیزابیت سے نجات دلاسکتی ہے
جی ہاں صرف دانتوں کے درد سے نجات کے لیے ہی موثر نہیں، معدے میں تیزابیت سے چھٹکارے میں بھی مدد دیتی ہے
اگر اسے کھانے میں شامل کیا جائے تو اس سے تیزابیت کے شکار ہونے کا خطرہ کم ہوتا ہے
سونف کی چائے کے یہ فوائد جانتے ہیں
تاہم معدے میں تیزابیت کی صورت میں لوگ اور الائچی کی یکساں مقدار کو کچل کر کھائیں جو کہ تیزابیت دور کرنے کے ساتھ گیس سے بھی نجات دلائیں گے
یہ نسخہ سانس کی بو سے بھی نجات دلانے میں مدد دیتا ہے
اگر معدے میں تیزابیت کی شدت بہت زیادہ ہو اور کافی دیر تک برقرار رہے تو فوری ہم سے رجوع کریں

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

پودینے کا تیل بالوں کے لیے بہترین علاج
بالوں کی نشوونما تیز کرے
خشک سر کے مسائل حل کرے
جڑیں مضبوط کرے
جوﺅں سے نجات
پودینہ ایسی چیز ہے جو ہر گھر میں عام استعمال ہوتی ہے، اب کھانے میں ڈالیں، سلاد کا حصہ بنائیں یا چٹنی کی شکل میں استعمال کریں، اسے ہر ایک ہی گھر میں رکھنا پسند کرتا ہے
اس کے متعدد فوائد بھی ہیں جیسے نظام ہاضمہ کے امراض سے بچاؤ کے لیے اسے مختلف طریقوں سے استعمال کیا جاتا ہے اس میں موجود مینتھول درحقیقت اسے خاص بناتا ہے تاہم کیا آپ جانتے ہیں کہ پودینے کے تیل سے بھی آپ کیا فائدے حاصل کرسکتے ہیں یہ تیل آئرن، میگنیشم، منرلز، کیلشیئم، وٹامن اے اور وٹامن سی سے بھرپور ہوتا ہے جو کہ بالوں کے لیے بہت زیادہ فائدہ مند ہے
بالوں کی نشوونما تیز کرے
اگر تو آپ کے بال تیزی سے گر رہے ہیں اور یہ مسئلہ پریشان کررہا ہے تو پودینے کے تیل کو بالوں پر ضرور آزمائیں یہ تیل بہت آسانی سے سر میں جذب ہوجاتا ہے اور بالوں کے غدود کو متحرک کرتا ہے، اسی طرح یہ تیل سر پر دوران خون بڑھاتا ہے جس سے بالوں کی نشوونما تیز ہوجاتی ہے
خشک سر کے مسائل حل کرے
اگر خشک سر آپ کو تنگ کرتا ہے خصوصاً رات کو سوتے وقت، پودینے کا تیل اس کا بہترین حل ہے اس کی نمی کی خصوصیات کو دیکھتے ہوئے اگر اسے استعمال کرنا معمول بنالیا جائے تو خشک سر کی نمی بحال ہوجاتی ہے اس مقصد کے لیے پودینے کے تیل کو بادام کے تیل میں ملائیں اور پھر سر پر مل لیں اس کے بعد سر کو آدھے گھنٹے تک ڈھانپ کر رکھیں اور پھر دھولیں
بالوں کی جڑیں مضبوط کرے
پودینے کے تیل میں ایسے اجزاءہوتے ہیں جو بالوں کی جڑوں کو مضبوط کرنے کے ساتھ ساتھ بالوں کے گرنے کی روک تھام کرتے ہیں اسے بس سر پر لگائیں یا ناریل کے تیل میں مکس کرکے استعمال کریں
جوﺅں سے نجات
پودینے کے تیل میں موجود مینتھول بالوں کو نئی زندگی تو دیتا ہے مگر اس کی تیز مہک سر میں موجود جوؤں کا مکمل خاتمہ کردیتی ہے جوؤں سے نجات کے لیے رات کو سونے سے قبل اس تیل کو لگائیں اور اگلی صبح دھولیں یہ بتدریج جوؤں کا مسئلہ حل کردے گی

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

عناب، جلدی امراض کے لیے بہترین جڑی بوٹی
زمانہ قدیم سےسال سے جڑی بوٹیوں سے علاج کا جو طریقہ رائج ہے آج بھی لوگ اس سے مستفید ہو رہے ہیں کیونکہ کوئی بھی بیماری ہو ، جڑی بوٹیوں میں ان کا علاج پوشیدہ ہے، آج ہم آپ کو جلد کی خوبصورتی اور رعنائی میں اضافہ کرنے والی کرشماتی جڑی بوٹی عناب کے بارے میں بتائیں گے جس کا مستقل استعمال جلد کے جملہ امراض اور تکا لیف کے لیے بہترین ہے عناب کے فائدے ماہرین کا کہنا ہے کہ جلد کی بیماری ایکزیمہ میں عناب کا استعمال بہت ہی موثر ہے عناب خون کو صاف کرنے کا ایک ایسا ذریعہ ہے جسے زمانہ قدیم سے جانا اور مانا جاتا ہے خون کی حدت کو کم کرنے کے لیے حکما کی ہدایت کے مطابق اگر پانچ سے سات دانے عناب کے رات کو بھگو کر صبح اس کا پانی نہار منہ پی لیا جائے تو خون کی حدت میں نمایاں کمی واقع ہوتی ہے۔ عناب وہ جڑی بوٹی ہے جو خون صاف کرنے کے ساتھ ساتھ چہرے کی جلد میں ایسا تنائو پیدا کرتی ہے کہ دور سے دیکھنے والے کو جلد چمک دار اور شاداب محسوس ہوتی ہے جلد پر الرجی، داد یا دھبے ہوجانے کی صورت میں عناب کرشماتی اثر دکھاتا ہے۔ چہرے پر دھوپ یا معدے کی گرمی کے وجہ سے نکلنے والے سرخ اور خارش زدہ دانوں کے لیے اگر عناب کو خشک خوبانی کے ساتھ ملا کر اس کا عرق استعمال کیا جائے تو ہفتوں کی بیماری دنوں میں غائب ہوجاتی ہے عناب ایک بہت ہی بہترین اینٹی ایجنگ ہے، جو آپ کی عمر کو ایک راز کی طرح چھپا کر رکھتا ہے۔ جلد کی شگفتگی کے لیے عناب سے بڑھ کر شاید ہی کوئی جڑی بوٹی ہو، یہی وجہ ہے کہ میک اپ کی پروڈکٹس میں عناب ضرور استعمال کیا جاتا ہے عناب جلد پر جلنے سے پڑ جانے والے نشانات کو ایسے غائب کرتا ہے جیسے نشان پڑے ہی نہیں تھے بچوں اور بڑوں کو کسی بھی عمر میں نکلنے والی خسرہ کے نشانات جو بدنما بھی دکھائی دیتے ہیں، عناب کے استعمال سے پلک جھپکتے میں ختم ہوجاتے ہیں

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

سرسوں کا تیل بہت زبر دست چیز ہے
سرسوں کا تیل وہ چیز ہے جو پاکستان اور بھارت میں بہت عام استعمال ہوتی ہے، بیشتر افراد اسے کھانا پکانے کے لیے بھی استعمال کرتے ہیں، جبکہ سر کی مالش اور دیگر مقاصد کے لیے بھی فائدہ مند ثابت ہوتا ہے
مگر کیا آپ اس سستے اور آسانی سے دستیاب تیل کے جادوئی اثرات جانتے ہیں جس سے صحت کو بہتر کیا جاسکتا ہے
اس کے چند فوائد درج ذیل ہیں
دانتوں کو چمکائیں
چٹکی بھر آئیوڈین سے پاک نمک لیں اور کچھ مقدار میں سرسوں کے تیل میں شامل کردیں، اگر چاہیں تو چٹکی بھر ہلدی کا بھی اضافہ کرسکتے ہیں۔اس کے بعد مکسچر کو لیں اور شہادت کی انگلی سے اس سے دانتوں پر دو منٹ تک مالش کریں۔ اس کے بعد چند منٹ کے لیے منہ بند کرکے رکھیں اور پھر نیم گرمی پانی سے کلیاں کرلیں اور اس مکسچر کا استعمال معمول بنانے سے چند دنوں میں آپ نمایاں فرق دیکھ سکیں گے
دل کی صحت کے لیے فائدہ مند
 کھانوں میں سرسوں کے تیل کو شامل کرنے دل کی صحت کے لیے فائدہ مند ثابت ہوتا ہے، اس میں موجود مونوسچورٹیڈ فیٹی ایسڈز یہ جسم میں نقصان دہ کولیسٹرول کی سطح کم کرتے ہیں جبکہ خون میں چربی کی سطح مستحکم رکھ کر اس کی گردش میں مدد دیتے ہیں
ایڑیاں پھٹنے اور جلد ٹوٹ جانے والے ناخن کا مسئلہ دور کرے
ایڑیاں پھٹنے کا مسئلہ مون سون اور سردیوں میں کافی عام ہوجاتا ہے اور اس سے نجات کے لیے موم اور سرسوں کے تیل کی یکساں مقدار کو مکس کرکے گرم کریں، جس سے وہ گاڑھا ہوجائے گا۔ ایڑیوں کے متاثرہ حصے پر اس مکسچر کو لگائیں اور کاٹن کی جرابیں پہن کر سوجائیں۔ اسی طرح سرسوں کا تیل ناخن پر لگانا اس کی سطح پر جذب ہوکر انہیں غذائیت فراہم کرکے مضبوط کرتا ہے
انفیکشن سے تحفظ
سرسوں کا تیل بیکٹریا کش ، فنگل کش اور وائرس کو دور رکھنے کی خصوصیات رکھتا ہے، اس کا جسم کے بیرونی سطح پر استعمال یا کھانے میں ڈال کر استعمال کرنا موسمی انفیکشن سمیت نظام ہاضمہ کے انفیکشن کے خلاف مزاحمت کرتا ہے
دوران خون بہتر کرے
سرسوں کے تیل سے جسم پر مالش کرنا دوران خون ، جلد کی ساخت بہتر ہوتی ہے جبکہ مسلز پر دباﺅ میں کمی آتی ہے۔ یہ پسینے کے غدود کو حرکت میں لاکر جسم سے زہریلے مواد کو خارج کرنے میں مدد دیتا ہے
جلد کے لیے بہترین
سرسوں کا تیل وٹامن ای سے بھرپور ہوتا ہے جو جلد کے لیے بہترین ہوتا ہے، اسے جلد پر لگانے سے فائن لائنز اور جھریوں میں کمی آتی ہے اور یہ سن اسکرین کی طرح کام کرتا ہے۔ تاہم بہت زیادہ تیل جسم پر لگانا نقصان دہ اور خارش کا باعث بن سکتا ہے، جبکہ آئلی اور حساس جلد والے افراد کو اس کی مالش سے گریز کرنا چاہئے ناریل کے تیل اور سرسوں کے تیل کی یکساں مقدار کو ملاکر مالش کرنا جلد کی رنگت کو بھی بہتر بناتا ہے
بالوں کی نشوونما بہتر کرے
اگر تو بال گر رہے ہیں یا ان کے بڑھنے کی رفتار سست ہوگئی ہو تو سرسوں کے تیل کا استعمال اس حوالے سے مددگار ثابت ہوسکتا ہے، سرسوں کے تیل میں موجود بیٹا کیروٹین بالوں کی نشوونما کی رفتار تیز کردیتا ہے، اس کی مالش سے سر کے اندر دوران خون بہتر ہوتا ہے جبکہ بیکریا کش خصوصیات سر کو انفیکشن سے بچاتا ہے۔ اسی طرح سرسوں کے بیج کو پیس کر پیسٹ بناکر سرسوں کے تیل میں ملا کر سر پر رات بھر لگا رہنے دیں تو اس سے بالوں کے گرنے کے مسئلے کو کنٹرول کرنے میں مدد مل سکتی ہے

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

خواص انجیر، جمیر
Fig
دیگرنام : اردو ،ہندی،پنجابی، بنگالی،مرہٹی میں انجیر، انگریزی میں Fig
فرانسیسی میں Figue
روسی،جرمن میں Feigs
لاطینی میں Ficus Carica ا
طالوی میں Fico
عبرانی میں Teenah
یونانی میں Suiko
ہسپانوی میں Higo
کرنانکی میں نیڈنیڈ اور فارسی میں جمیر کہتے ہیں.یہ بڑ فیملی کا یعنی گولر جاتی کا پودا ہے
ماہیت : انجیر کا پودا تقریباً چھ سے دس یا بارہ فٹ اونچا ہوتا ہے یہ دو قسم کا ہوتا ہے ۔ ایک خودرو (جنگلی )دوسرا کاشت کیا ہوا  اس کی قلمیں عموماً ماہ پھاگن (فروری کے وسط اور ما رچ کے شروع ) میں کاٹ کر تھوڑی دور لگائی جاتی ہیں ۔دوسے تین سال تک پودا مکمل ہوکر پھل دینے لگتا ہے اور اس کے ہر جز سے دودھ نکلتا ہے
پتے : بڑ ے اور کھردرے ہوتے ہیں
پھل : انجیر کا پودا ایک سال میں دوبار پھل دیتا ہے ۔ پہلے مئی کے وسط میں اور جون کے پہلے دنوں جبکہ دوسرا پھل مارچ کے وسط میں اور اپر یل کے شروع میں ، یہ گولر کی طرح گول گول نرم گولہ نما گچھوں میں لگتا ہے ۔کچا پھل سبز اور پکنے میں شیر یں اور لذیذ ہوتا ہے۔انجیر کا پھل کچی حالت مین سخت اور سخت حالت میں پک کر نرم ہوجاتا ہے
مقا م پیدائش : خیال کیا جاتا ہے کہ انجیر ایشیائے کوچک میں سمرنا کے مقام کی پیداوار ہے یہ افغانستان،ایران ،بلوچستان اور جاپان میں اس کو تجارتی لحاظ سے کاشت کیا جاتا ہے ۔برصغیر میں انجیر کی کاشت اتنی نہیں ہوتی کہ عوام کی ضروریات پوری ہو سکے ۔تاریخ سے معلوم ہوتا ہے کہ برصغیر میں انجیر ایران اورعرب سےآنے والے اطباءنے بویا ، اس سے قبل انجیر یہاں نہیں پائی جاتی تھی
انجیرکامزاج : گرم و سرد معتدل کا مزاج ترو تازہ شرینی کی وجہ سے تھوڑا سا گرم اور ماہیت کی زیادتی کے حکیم ارشد ملک نے انجیر کا مزاج ترو تازہ اور زیادتی کا مزاج باعث لکھا ہے جبکہ مخزن الادویہ میں گرم ایک تر دوسرے درجے میں ہے لیکن طبی فارماکوپیا میں انجیر کا مزاج صرف گرم تر لکھا ہے
رنگت : کچا پھل سبز پکنے پر سرخی مائل بھورا یا جامنی ہوتا ہے
ذائقہ : شیریں
افعال : جالی،منفث،بلغم،مدربول،منفج اورام،محلل،مقوی ومسمن بدن ، ملین شکم ، معرق ملطف اورمعقدی ،قطع بواسیر اور نقرس
افعال خواص : کثیرالقداء اور سریع الہضم ہے۔ خشک انجیر گرم اور لطیف ہے۔اس سے رقیق خون پیدا ہوتاہے انجیر تمام میوہ جات سے زیادہ سے زیادہ غذا بخش ہے۔یہ گرم تر ہونے کی وجہ سے منفج ہے اور حرارت ورطوبت کے علاوہ گودے والا انجیر زیادہ منضج دیتا ہے۔ اور اس انتہا درجہ کی قوت تلیسین ہے ۔پسینہ لاتی ہے حرارت کو تسکین دیتا ہے
انجیر کا دودھ جمے ہوئے خون اور دودھ کو پگھلا دیتا ہے ۔انجیر اپنی حرارت ، رطوبت اور لطافت کی وجہ سے اس کا ضماد پھوڑوں کو پکاتا ہے ۔اور جو پیاس بلغم شور کی وجہ سے ہو اس کو تسکین دیتا ہے ۔ کیونکہ یہ بلغم کو پگھلاتا ہے ۔ اور رقیق کرتا ، جس کی وجہ سے پرانی کھانسی میں مفید ہے ۔جو کھانسی محض بلغم کی وجہ سے ہو انجیر تنقیہ کر کے پرانی کھانسی کو نفع کرتا ہے ۔ انجیر اپنی قوت تفتج اور جلا کے باعث پیشاب کا ادراک کرتا ہے جگر اور طحال کے سدوں کو دفع کر دیتا ہے یہ گردے اور مثانے کے لیے موافق ہے ۔ انجیر نہار منہ کھانے سے مجارئی غذا کے کھولنے میں عجیب منفعث حاصل ہے خصوصاً جبکہ اس کو بادام یا اخروٹ کے ساتھ کھایا جائے
استعمال : حلق کی خشونت کودورکرتا ہے ۔قبض کو کھولتا ہے معرق ہونے کی وجہ سے فضلات کو جلد کی طرف خارج کرتا ہے ۔اس لئے چیچک ،خسرہ ،موتی ، جھرہ کےدانے جلد پر یعنی باہر نکالتا ہے ۔مغز اخروٹ کے ہمراہ کھانا تقویت باہ کیلئے بہتر بیان کیا جا تاہے
محلل کے بطو رسفوف سکنجین کے ساتھ تلی کے ورم میں مفیدہے جبکہ انجیر کو پانی میں جوش دے کر غرغرہ کے طور پر خناق کو مفید ہے ۔بطور ضماد خنازیری گلٹیوں پر لگا لنا مفید ہے اور معجون کے طور پر استعمال کرنے سے ورم رحم و مقعد کے علاوہ بواسیر کے درد کو بھی مفید ہے
جالی ہو نے کی وجہ سے امراض جلدیہ میں اور خاص طور پر چھیپ میں،برص اور کلف میں ضماد مفید ہے۔
حکیم رام لبھایا لکھتے ہیں کہ انجیر اور صعتر کا جو شاندہ پلانے سے بلغم کو صاف کرتا ہے ۔ جبکہ نسیان میں انجیر کے ساتھ بادام ، پستہ یا مغز یا ت کا استعمال مفید و مقوی دماغ ہے
انجیر کا قرآن پاک میں ذکر
ترجمہ : قسم ہے انجیر اور زیتون کی اور طور سینا کی۔ اور اس امن والے شہر کی کہ ہم نے انسان کو بہترین انداز کے ساتھ پیدا کیا ہے۔
انجیر کے بارے میں ارشاد نبویﷺ حضر ت ابوالدرداءؓ روایت فرما تے ہیں کہ نبی کر یم ﷺ کی خدمت میں کہیں سے انجیر سے بھرا ہوا تھال آیا ۔ انہوں نے ہمیں فرمایا کہ ،کھاؤ ، ہم نے اس میں سےکھایا اور پھر ارشاد فریایا اگر کوئی پھل جنت سے زمین پر آسکتا ہے تو میں کہوں گا کہ یہی وہ پھل ہے کیونکہ بلاشبہ جنت کا میوہ ہے ۔اس میں سے کھاؤ کہ یہ بواسیر کو ختم کر دیتی ہے اور نقرس  میں مفید ہے
کتب مقدسہ میں انجیر کی اہمیت
توریت اورانجیل میں انجیر کا ذکر مختلف مقامات پر 49مرتبہ کیا گیا ہے
تب درختوں نے انجیر کے درخت سے کہا کہ تو آؤ اور ہم پر سلطنت کر ، پر انجیر کے درخت نے کہا میں اپنی مٹھاس اور اچھے اچھے پھلوں کو چھوڑ کر درختوں پر حکمرانی کرنے جاؤں
انجیر کے درختوں میں ہر انجیر پکنے لگے اور تاکیں پھوٹنے لگیں ۔انکی مہک پھیل رہی تھی
انجیر کے بارے میں محدثین کے مشاہدات
حافظ ابن قیم ۔ لکھتے ہیں کہ انجیر ارض حجاز اور مدینہ میں نہیں ہوتی بلکہ اس علاقہ میں عام پھل صرف کھجور ہی ہے لیکن اللہ نے قرآن پاک میں اس کی قسم کھائی ہے اور اس امر میں کوئی شک نہیں کہ اس سے حاصل ہو نے والےافادیت اور منافع بے شمار ہیں ۔اس کی بہترین قسم سفید ہے ۔یہ گردہ اور مثانہ سے پتھر ی کوحل کرکے خارج کر تی ہے
انجیر بہترین غذا ہے اور زہروں کے اثرات سے بچاتی ہے۔ حلق کو سوزش،سینے میں بوجھ، پھیپھڑوں کی سوجن مفید ہے اورجگر اورتلی کے اصلاح کرتی ہے۔ بلغم کو پتلا کر کےنکالتی ہے
جالینوس
نے کہا کہ انجیر کے ساتھ زبواء اور بادام ملا کر کھا لئے جائین تو یہ خطر ناک زہروں سے محفوظ رکھ سکتی ہے۔اس کا گودا بخار کے دوران مریض کے منہ کو خشک نہیں ہونے دیتا ہے۔نمکین بلغم کو پتلا کر کے نکالتی ہے۔ گردہ اور مثانہ کی سوزشوں کے لئے مفید ہے
انجیر کو نہار منہ کھانا عجیب وغریب فوائد کا حامل ہوتاہے ۔کیونکہ یہ آنتو ں کے بند کھولتی ، پیٹ سے ہوانکلتی ہے۔اس کے ساتھ اگر بادام بھی کھائے جائیں تو پیٹ کی اکثر بیماریوں کو دور بھگاتی ہے
انجیر میں پائے جانے والے کیمیاوی اجزاء کا متناسب سو گرام میں
لحمیات پانچء ایک نشاستہ0ء15،حدت یا حرارے 66،سوڈیم 6ء24،پوٹاشیم 8ء28،کیلشیم 5ء8،میگنیشم 2ء26، وٹامن اے اورسی ، فولاد18ء1،تانبا 07ء0،فاسفورس 6ء2،گندھک 9ء22،کلورین 1ء7
فوائد خاص : موتی جھرہ ، جدری وغیرہ میں دانوں کوظاہرکرنے کیلئے مفید ہے۔ ملین طبع اور مدربول،قبض ،دمہ ،سعال ،کھانسی کے علاوہ رنگت کو نکھارتاہے۔ اورجسم کوفربہ کرتاہے۔تلی کی صلابت وورم میں مفید ہے
مضر : طبی فارماکوپیا کے مطابق جگرہ معدہ و آنت، سدہ و جگر کو
مصلح : سکنجین ،شربت ترنج ، انیسون،صعتر فارسی ،بادام شریں
بدل : موویز منقیٰ ،مغز چلغوزہ
مقدارخوراک : طبی فارماکوپیا دو سے تین دانے ،شربت اورجو شاندہ میں مستعمل ہے۔ جدری اور دیگر مستعدی امراض میں دو سے تین خشک انجیر کھلائیں
قبض کیلئے کم ازکم پانچ خشک انجیر ، جبکہ بواسیر کیلئے میرا خود ذاتی تجربہ ہے کہ تین، پانچ یا سات عدد دانے دینے سے درد کو فوری آرام آتا ہے۔ پیٹ سے ریاح کو خارج کرتا ہے
جدید تحقیق اور تجربہ : مذکورہ کیمیاوی اجزاء کے علاوہ وٹامن اے اور وٹامن سی کافی مقدار میں موجود ہوتے ہیں ان اجزاء کے پیش نظر انجیر ایک نہا یت مفید غذا اور دوا ہے۔ اس لئے عام کمزوری اور بخاروں میں اس کا استعمال اچھے نتائج کا حامل ہوگا
بو اسیرمیں انجیر خشک کو عام طور پر چارماہ سے دس ماہ تک استعمال کرنے سے مسےخشک ہوجاتے ہیں۔ اگر بواسیر کےساتھ بدہضمی زیادہ ہو تو ہر کھانے س آدھ گھنٹہ پہلے دو سے تین انجیر کھلائی جائے ۔ جن کو صرف پیٹ میں بوجھ ہو تو ان کو کھا نے کے بعد انجیر کھانی چائیے
انجیر پرانی قبض کا بہترین علاج ہے ۔اس کے گودے میں پائے جانے والا دودھ ملین اور چھوٹے چھوٹے دانے پیٹ کے حموضات میں پھول کر آنتوں میں حرکات پیدا کرنے کا باعث ہوتے ہیں ۔انجیر خوراک کوہضم کرنے اور آنتوں کی سڑاند ختم کرتی ہیں۔ انجیر خون کی نا لیوں میں جمی ہوئی غلاظتو ں کو نکال سکتی ہے اور اسکی افادیت کو آپ ﷺ نے بواسیر میں پھولی ہوئی وریدوں کی اصلا ح کرنے کے لئے استعمال فرمایا ۔خون کی نالیوں میں موٹائی آجانے سے ہو تی ہے۔ انجیر اس مشکل کا آسان حل ہے
انجیر گردوں کے فیل ہونے کے علاوہ خشک انجیر کو جلا کردانتوں پرمنجن کیا جائے تو دانتوں سےرنگ اور میل کے داغ اترجاتے ہیں
انجیر کے تازہ پھل سے نچوڑ کر اگر مسوں پر لگایا جائےتو وہ گر جاتے ہیں ۔اس کے پتے پھوڑوں کو پکانے کے لئے استعمال کئے جاتے ہیں
انجیر کو خشک کرنے کا طریقہ
خشک کرنے کے لئے انجیر کو اس وقت تک پودے پر رہنے دیا جا تاہے کہ جب تک وہ خوب پک کر زمین پر گر جائے کیو نکہ اس مرحلہ تک تقریباً 3/4حصہ تک خشک کیا جاتا ہے۔ پھر ان کو کشتیوں میں ڈبو کر رکھ کر جما لیا جاتاہے پھر ان پر گندھک کےمرطوب دخان پر 20 سے 30 منٹ تک گزارا جا تاہے ۔پھر ان کو لکڑی کی کشتیو ں میں رکھ کر دھو پ میں رکھتے ہیں اور 5 سے 7 دن تک ان کوالٹ پلٹ کرتے ہیں ۔خشک ہونے کے سے کچھ قبل ان کو دبا کر چپٹا بنا لیا جاتاہے بعد میں ان کو نمک کےمحلو ل میں ڈبولیا جاتا ہے جس سے ان میں نرمی اور ذائقہ برقراررہتا ہے
نوٹ : طبی فارماکوپیا اور حکیم کبیرالدین نے لکھا ہے کہ انجیر معدہ و جگر اور آنتو ں کےلئے مضر ہے مگر اچھے استعمال سے اور ڈاکڑ اور حکیم کے مشورے سے یہ اچھا بھی ثابت ہوتا ہے
تاثیری عمر: دوسال
بھگو کے کھائیں
جگر کی اصلاح کرتی ہے
معدہ کو صاف کرتی ہے
قبض ختم کرتی ہے
انجیر کا دودھ سات دن مسوں(موہکوں) پر لگائیں اس سے موہکے ختم ھو جائیں گے
انجیر
نمبر 1 : انجیر کو دودھ میں پکاکر پھوڑوں پر باندھنے سے پھوڑے جلدی پھٹ جاتے ہیں
نمبر 2 : انجیر کو پانی میں بھگو کر رکھیں۔ چند گھنٹے بعد پھول جانے پر دن میں دو بار کھائیں، دائمی قبض دور ہوجاتی ہے
نمبر 3 : خشک انجیر کو رات بھر پانی میں رکھ دیا جائے تو وہ تازہ انجیروں کی طرح پھول جائے گا۔ اسے کھانے سے گلہ بیٹھ جانا یا بند ہوجانے کے امراض نہیں پیدا ہوتے
نمبر 4 : سردی کے ایام میں بچوں کو خشک انجیر دی جائے تو ان کی نشوونما کے لئے بے حد مفید ہے
نمبر 5 :  انجیر زود ہضم ہے اور دانتوں کے لئے بہترین ہے
نمبر 6 : ۔کم وزن والوں اور دماغی کام کرنے والوں کے لئے انجیر بہترین تحفہ ہے
نمبر 7 : نبی اکرمﷺ نے فرمایا ہے کہ انجیر کھانے سے آدمی مرض قولنج سے محفوظ رہتا ہے
نمبر 8 : انجیر کے باقاعدہ استعمال سے بدن فربہ ہوجاتا ہے اور رنگت نکھر آتی ہے
نمبر 9 : کھانے کے بعد چند دانے انجیر کھانے سے غذائیت حاصل ہونے کے علاوہ قبض کا بھی خاتمہ ہوجاتا ہے
نمبر 10 : کھانسی، دمہ اور بلغم کے لئے بھی مفید ہے
نمبر 11 : انجیر کھانے سے منہ کی بدبو ختم ہوجاتی ہے
نمبر2 1 : انجیر کا باقاعدہ استعمال سر کے بالوں کو درازکرتا ہے
نمبر 13 : انجیر کو سرکہ میں ڈال کر رکھ دیں۔ ایک ہفتہ بعد دو تین انجیر کھانے کے بعد کھانے سے تلی کے ورم کو آرام آجاتا ہے
نمبر 14 : انجیر کو دودھ کے ساتھ استعمال کرنے سے رنگت نکھر آتی ہے اور جسم فربہ ہوجاتا ہے
نمبر 51 : تازہ انجیر توڑنے سے جو دودھ نکلتا ہے اس کے دو چار قطرے برص (سفید داغ) پر ملنے سے داغ ختم ہوجاتے ہیں
نمبر 16 : انجیر پیاس کی شدت کو کم کرتا ہے
نمبر 17 : جن لوگوں کوپسینہ نہ آتا ہو، ان کے لئے انجیر کا استعمال مفید ہے
نمبر 18 : انجیر خون کے سرخ ذرات میں اضافہ کرتا ہے اور زہریلے مادے ختم کرکے خون کو صاف کرتا ہے
نمبر 19 : جن لوگوں کو ضعف دماغ (دماغ کی کمزوری) کی شکایت ہو، وہ اس طرح ناشتہ کریں کہ پہلے تین چار انجیر کھائیں، پھر سات دانے بادام، ایک اخروٹ کا مغز، ایک چھوٹی الائچی کے دانے پیس کر پانی میں چینی ملاکر پی لیں
نمبر 20 : کمر میں درد ہو تو انجیر کے تین چار دانے روزانہ کھانے سے درد سے نجات مل جاتی ہے
نمبر 21 : بواسیر کی شکایت ہو تو انجیر کا استعمال نہایت مفید ہے۔ اس کے استعمال سے پرانی سے پرانی بواسیر کا بھی خاتمہ ہوجاتا ہے
نمبر 22 : میتھی کے بیج اور انجیر کوپانی میں پکا کر شہد میں ملا کر کھانے سے کھانسی کی شدت کم ہوجاتی ہے۔
نمبر 23 : انجیر تازہ اور نرم لینی چاہئے۔ کالی اور سوکھی انجیر میں بعض اوقات سفید کیڑے نظر آتے ہیں۔ ایسا انجیر بہت نقصان دہ ہوتا ہے

دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal

Read More