خواص گُڑ، گُڑھ، گوڑھ کے طبی فوائد
Jaggery
گُڑ ایک ایسی قدرتی مٹھاس ہےجو گنے کے رس کو فقط گرم کرنے سے یا پکا کر حاصل ہوتی ہے
وٹامن
گُڑ میں کیروٹین، نکوٹین، تیزاب، وٹامن اے، وٹامن بی ون، وٹامن بی ٹو، وٹامن سی، کے ساتھ ساتھ آئرن، اور فاسفورس، بھی پایا جاتا ہے
گُڑ کا مزاج : گرم اور دوسرے درجے میں پرانا گُڑ خشک ہے جب کہ نیا گُڑ کف، دمہ، کھانسی، پیٹ کے کیڑے وغیرہ جیسے مختلف امراض کے لیے مفید ترین قرار دیا گیا ہے
گُڑ نظام ہضم کی اصلاح کرتا ہے
قبض دور کرتا اور گیس کی تکلیف سے نجات دلاتا ہے
شیرخوار بچوں کی مائیں جن کا دودھ بچوں کے لیے کافی نہ ہوتا ہو وہ صرف اتنا کریں کہ دودھ کے ساتھ سفید زیرے کا سفوف اور گُڑ صبح و شام استعمال کریں اس سے دودھ کی مقدار بڑھ جائے گی حافظہ تیز کرنے اور یادداشت بڑہانے میں گُڑ کے حلوہ کا استعمال بہترین ثا بت ہو تا ہے لہذا وہ طلبہ جنھیں سبق یاد نہ ھوتا ھو انھیں صبح و شام گُڑ کا حلوہ استعمال کرنا چاہیے
گڑ میں موجود فولاد، انیمیا کو بھی ٹھیک کرتا ہے اور خون میں ہیموگلوبن کی مقدار بڑھاتا ہے
جسم کی قوت مدافعت مضبوط کرتا ہے آرتھرائٹس یا گھٹنے کے درد اور سوزش میں مبتلا افراد    5گرام گُڑ اور 5گرام ادرک کا پاؤڈر استعمال کریں اس سے نہ صرف گھٹنے کے درد سے نجات ملے گی بلکہ سوجن بھی کم ہو گی اسی طرح تھوڑا سا گُڑ اور بھنا ہوا ادرک گرم پانی کے ساتھ سو نے سے پہلے استعمال کرنے سے دائمی زکام اور درد سے افاقہ ہوتا ہے
قبض
قبض بے شمار جسمانی امراض کی جڑ ہے
اس سے بواسیر جیسی تکلیف دہ بیماریاں بھی جنم لیتی ہیں قدرت نے گُڑھ میں قبض کشا صفت بھی رکھی ہے جن لوگوں کو قبض ہو انہیں گُڑ کا استعمال ضرور کرنا چاہیے
برائے بواسیر
نیم کی پکی نمولی پرانے گُڑ کے ساتھ دن میں روزانہ تین بار کھانے سے بواسیر جیسے مہلک مرض سے نجات مل جاتی ہے
پیپل کے پتے 10 گرام، دار چینی، تیزپات اور کالی مرچ 30 – 30 گرام، سونٹھ 35 گرام، اور ہرڑ کا سفوف 100 گرام ان تمام اشیاء کو 200 گرام گُڑ کے ساتھ اچھی طرح کوٹ کر پیسنے کے بعد 25  25 گرام کے لڈو بنا لیں ایک لڈو صبح اور ایک شام کے وقت گرم پانی کے ساتھ کھانے سے بواسیر سے تو چھٹکارہ مل جاتا ہے اس کے ساتھ ساتھ انسانی بدن کو بے شمار دوسری بیماریوں جن میں پیٹ کی گیس، پیٹ کی گڑگڑاہٹ، سنگرہنی، اور ہاتھ پاؤں کی سوجن، اور کھانسی سے بھی نجات مل جاتی ہے
برائے کھانسی
کھانسی سے نجات کے لیے یہ نسخہ بھی مفید ہے
10 گرام سرسوں کے خالص تیل میں 10 گرام گُڑ ملا کر صبح و شام ایک ایک چمچ چاٹ لیں
پیپل کے پتے اور جوکھار 4 – 4 گرام – کالی مرچ 5 سے 7 گرام ، اناردانہ 25 گرام کو ملا کر 50 گرام گُڑ میں شامل کرکے سفوف بنا لیں
صبح و شام گرم پانی کے ساتھ 5 گرام سفوف کھانے سے دائمی کھانسی سے نجات مل جاتی ہے
ملیریا
اگر کسی مریض کا ملیریا بخار نہ اتر رہا ہو تو کالا زیرہ اور گُڑ کا سفوف ملا کر کھلانے سے فائدہ ہو گا
برائے بخار
گُڑ کا شربت پرانے بخار کے لئے نہایت مفید ہے بخار والے مریض کو گُڑ کے شربت سے بہت جلد فائدہ ہوتا ہے
قوت مدافعت
سردیوں کے موسم میں گُڑ اور کالے تل کے لڈو بنا کر صبح و شام کھانے سے ٹھنڈک کے خلاف جسم میں بھرپور قوت مدافعت پیدا ہوتی ہے اور کھانسی، دمہ اور برانکائیٹس وغیرہ میں بھی فائدہ ہوتا ہے وہ بچے جو نیند میں بستر پر پیشاب کر دیتے ہیں ان کے لیے یہ نسخہ مجرب مانا گیا ہے
برائے ہچکی
ہچکی روکنے کے لیے بھی گُڑ کارگر ثابت ہوا ہے
پرانا گُڑ خشک کر کے پیس لیں اس میں پیسی ہوئی سونٹھ ملا کر سونگھنے سے ہچکی میں افاقہ ہوتا ہے
سر کا درد
ذہنی دباؤ کی وجہ سے ہمارے معاشرے میں میگرین یا درد شقیقہ کا مرض عام ہوتا جا رہا ہے  اسے آدھے سر کا درد بھی کہتے ہیں اس سے نجات کے لیے صبح سورج نکلنے سے پہلے اور رات کو سوتے وقت 12 گرام گُڑ کو 6 گرام گھی میں ملا کر چند دن کھائیں
برائے بلغم
اگر بلغم کی شکایت ہو اور بلغم بھی زیادہ بن رہا ہو تو گُڑ کے ساتھ ادرک کا رس استعمال کروانے سے بلغم کی شکایت ختم ہو جاتی ہے
برائے کمر درد
بزرگ و خواتین حضرات کو اکثر کمر درد کی شکایت ہو جاتی ہے اگر وہ 50 گرام اجوائن کے سفوف میں ہم وزن گُڑ ملا لیں اور اس آمیزہ کا 5 گرام صبح اور 5 گرام شام کے وقت کھائیں تو اس سے انھیں افاقہ ہو گا
موٹاپا کا علاج
مٹاپے سے نجات پانے کے خواہش مند چینی کی جگہ گُڑ کا استعمال کریں
قطرے آنا
وہ افراد جنھیں پیشاب کے قطرے آتے ہیں گڑ اور تل کے لڈو بنا کر کھانے سے انھیں اس عارضے سے چھٹکارا مل سکتا ہے
گلے کا علاج
گُڑ میں پکے ہوئے چاول کھانے سے بیٹھا ہوا گلا ٹھیک ہو جاتا ہے اور آواز سریلی ہو جاتی ہے

Read More