لَعوق، معجون، وجہ تسمیہ
لعوق عربی زبان کا لفظ ہے جس کا معنی چاٹنے کی چیز ہے چونکہ یہ مرکب چاٹ کر استعمال کیا جاتا ہے، اِس لئے اِس کو لَعوق کا نام دیا گیا۔ اِس کا استعمال آلات تنفُّس کے ساتھ مخصو ص ہے لعوق کا موجد جالینوس ہے
لعوق بھی دراصل ایک قوامی مرکب ہے جس کا قوام شربت سے گاڑھا اور معجون سے رقیق ہوتا ہے۔ لعوق زیادہ تر امراضِ حلق و حلقوم اور صدر وریہ میں مستعمل ہے۔ یہ اپنی لزوجت اور لیس کی وجہ سے حلق ومری سے قدرے تاخیر سے گزرتا ہے اور اِس کا انجذاب عروق کے ذریعہ تدریجاً ہوتا رہتا ہے ، یہی وجہ ہے کہ لعوقات کے استعمال کے بعد پانی پینے کی ہدای نہیں کی جاتی ہے۔ لعوقات اپنی لزوجت کی وجہ سے مقامی طور پر عروق خشنہ پر اثر انداز ہوتے ہیں اور بلغم کا اِخراج آسان ہو جاتا ہے
اگر لعوق صرف خشک ادویہ سے بنانا ہو تو اُن کا سفوف تیار کر کے شکر کے قوام میں یا شہدِ کف گرفتہ میں آہستہ آہستہ شامل کر کے مخلوط کرنے کے بعد تیار کرتے ہیں، لیکن اگر لعوق کے نسخہ میں جوشاندہ یاخیساندہ والی ادویہ شامل کرنی ہوں تو پہلے اُس کا جوشاندہ یا خیساندہ تیار کر کے چھان کر اُس میں شہد، شکر یا مصری شامل کر کے قوام بنائیں۔ اِس کے بعد اگر اِس میں کچھ خشک ادویہ ہوں مثلاً صمغ عربی، کتیرا یا رُبُّ السوس وغیرہ تو اِس صورت میں مجوَّزہ سفوف کو قوام تیار کر کے آگ سے علاحدہ کر لینے کے بعد ہی شامل کیا جائے اگر لعوق میں مغز املتاس شامل کرنا ہو تو اُس کا جوشاندہ نہیں بنانا چاہیے کیونکہ جوش دینے سے خیار شنبر کی قوت ضعیف ہو جاتی ہے لہٰذا باقی ماندہ ادویہ کا جوشاندہ تیار ہو جانے کے بعد اِس میں مغز املتاس کو گھول کر چھان لیا جائے۔ پھر مصری، شکر یا شہد کو شامل کر کے قوام تیار کیا جائے۔ اِس کا قوام شربت سے گاڑھا اور معجون سے رقیق ہونا چاہیے۔ لعوق کے قوام میں ماہرینِ صیدلہ نے ادویہ کے وزن سے پانچ گنا وزن تک شکر شامل کرنے کی اجازت دی ہے
لعوق بادام، وجہ تسمیہ
بادام جزء خاص ہے، اِس لئے اِس نام سے موسوم ہوا
افعال و خواص اور محل استعمال
سعال یابس اور سل میں مفید ہے
جزءِ خاص
مغز بادام شیریں
دیگر اجزاء مع طریقہ تیاری
نشاستہ  گندم 20 گرام،  کتیرا 20 گرام، صمغ عربی 20 گرام، مغز تخم خیار 20 گرام، مغز تخم کدو شیریں 30 گرام،  رُب السوس 30 گرام، تخم خشخاش سفید 30 گرام، بہدانہ 30 گرام،  آرد باقلا 40 گرام، تخم خطمی 40 گرام، مغز بادام شیریں 50 گرام، مویز منقیٰ 50 گرام
ترکیب تیاری : مویز منقیٰ کو روغن گاؤ میں پکائیں اور پیس کر مغزیات کا سفوف شامل کر کے خوب ملائیں۔ اِس کے بعد دیگر دوائیں پیس کر ملائیں اور شربت انار شیریں بقدرِ ضرور ت لے کر یا پھر قند سفید دواؤں کا سہِ چند لے کر قوام بنائیں اور مرکب کو محفوظ کر لیں
مقدار خوراک : پانچ سے دس گرام تک
لعوقِ خشخاش
افعال و خواص اور محل استعمال
سعال، نفث الدم اور سل میں افادیت رکھنے کے علاوہ نیند لاتا ہے اور جنون کو فائدہ دیتا ہے سعال یابس اور نزلۂ حار میں مفید ہے
جزءِ خاص
پوست خشخاش
دیگر اجزاء مع طریقہ تیاری
پوست خشخاش (مع تخم) ،عناب ہر ایک 20 گرام رات کو پانی میں بھگو کر صبح کو جوش دیں جب نصف پانی رہ جائے تو مل کر صاف کر کے قند سفید نصف کلو کا قوام بنائیں اور نشا ستہ،  15 گرام، کتیرا 15 گرام، صمغ عربی 15 گرام، مغز بادام 15 گرام، مغز تخم کد 15 گرام باریک پیس کر اِضافہ کریں
مقدار خوراک : ایک چمچ بڑا کھانے والا دِن میں تین بار
لعوق خیار شنبر، وجہ تسمیہ
اپنے جزءِ خاص خیار شنبر کے نام سے موسوم ہے۔
افعال و خواص اور محل استعمال
خشونَتِ حلق، سرفہ، ذات الجنب اور ضیق النفس میں مفید ہے۔ تلئین شکم کرتا ہے۔مخرج بلغم، مخرج رطوبات نزلاوی مزلق و مسہل بلغم، مسہل اخلاط
جزءِ خاص
خیار شنبر
دیگر اجزاء مع طریقۂ تیاری
عناب 15 گرام، سپستاں 15 عدد، بنفشہ 9 گرام،سناء مکی 15 گرام، رات کو 750 ملی لیٹر پانی میں بھگو کر صبح جوش دیں۔ جب نصف پانی رہ جائے اُتار کر مل کرصاف کر کے مغز املتاس 45 گرام شیر خشت 15 گرام، خمیرہ بنفشہ 30 گرام، ترنجبین 60 گرام ملا کر دوبارہ چھانیں اور قند سفید 250 گرام شامل کر کے ہلکی آگ پر قوام کے لئے رکھیں۔ قوام غلیظ ہونے پر روغنِ بادام شیریں 5 ملی لیٹر کا اِضافہ کریں
مقدار خوراک : ایک بڑا چمچ کھانے والا
لعوق سپستاں، وجہ تسمیہ
اپنے جزء خاص کے نام سے منسوب و موسوم ہے
افعال و خواص اور محل استعمال
نزلہ اور کھانسی میں مفید ہے۔ مخرج بلغم،منفث بلغم، ملیِّن صدر ہے
جزءِ خاص
سپستاں
دیگر اجزاء مع طریقۂ تیاری
سپستاں 40 عدد، عناب 25 عدد ، اصل السوس 10 گرام، تخم خطمی 10 گرام ، تخم خباز ی 10 گرام، پرسیاؤ شاں 10 گرام، گاؤ زباں 10 گرام، گل زوفا خشک 10گرام، بہدانہ 5 گرام، انجیر زرد 20 عدد، مویز منقیٰ 50 عدد، پوست خشخاش 75 گرام، رات کو پانی میں بھگو کر صبح جوش دیں اور صاف کر کے قند سفید دواؤں کے وزن سے سہ چند ملا کر قوام بنائیں۔ قوام غلیظ ہونے پر رب السوس 10 گرام، شکر تیغال 10 گرام تخم خشخاش 10 گرام اور جو مقشر 10 گرام داخل کر کے لعوق بنائیں
مقدار خوراک : پانچ سے دس گرام
لعوق کتاں
افعال و خواص اور محل استعمال
بلغمی کھانسی اور ضیق النفس میں مفید ہے
جزءِ خاص
تخم کتاں
دیگر اجزاء مع طریقۂ تیاری
لعاب تخم کتاں ، نصف کلو میں قند سفید اور شہد خالص ہر ایک ایک کلو شامل کر کے قوام بنائیں
مقدار خوراک : دس سے بیس گرام تک
لعوق معتدل
افعال و خواص اور محل استعمال
سعال، نزلہ حار اور زکام میں مفید ہے۔
جزء خاص
رب السوس
دیگر اجزاء مع طریقۂ تیاری
مغز بادام شیریں 10 گرام، مغز تخم کدو 10 گرام، صمغ عربی 15 گرام،  کتیرا 15 گرام، نشاستہ 15 گرام، رُبُّ السوس 15 گرام، تمام ادویہ کو کوٹ چھان کر قند سفید20 گرام کے قوام میں شامل کریں اور استعمال میں لائیں
مقدار خوراک : دس گرام تک
لعوق نزلی
افعال و خواص اور محل استعمال
نزلہ اور کھانسی میں سریع الاثر ہے
جزءِ خاص
خشخاش
دیگر اجزاء مع طریقۂ تیاری
اصل السوس مقشر 15 گرام ، تخم خطمی 20 گرام، بہدانہ 20 گرام، رات کو پانی میں بھگو دیں۔ صبح کو جوش دے کر مل چھان کر قند سفید نصف کلو کے قوام میں ملائیں۔ پھر مغز بہدانہ صمغ عربی کتیرا ، ہر ایک 15 گرام خشخاش سیاہ خشخاش سفید ہر ایک 18 گرام باریک سفوف کر کے قوام میں شامل کریں
مقدار خوراک : پانچ سے دس گرام تک
لعوق نزلی آب تربوز والا، وجہ تسمیہ
آبِ تربوز کی شمولیت کی وجہ سے یہ نام دیا گیا
افعال و خواص اور محل استعمال
نزلہ، خشک کھانسی اور سل میں مفید ہے
جزءِ خاص
آبِ تربوز
دیگر اجزاء مع طریقۂ تیاری
تخم خشخاش 15 گرام، صمغ عربی 45 گرام،  کتیرا 15 گرام، نشاستہ گندم 15 گرام، مغز تخم کدو 18 گرام، مغز تخم خیارین 18 گرام، مغز تخم خرفہ 18 گرام، مغز تخم کاہو 18 گرام، مغز بادام شیریں 30 گرام، روغن بادام 60 گرام، ترنجبین 150 گرام، آبِ تربوز100 ملی لیٹر پہلے مغزیات کا شیرہ نکالیں۔ پھر ترنجبین حل کر کے چھانیں۔ اُس کے بعد آبِ تربوز ملا کر قوام بنائیں۔ اور اخیر میں باقی دوائیں اور روغنِ بادام شامل کر کے استعمال میں لائیں
مقدار خوراک : پانچ، پانچ گرام دِن میں چار مرتبہ بطور لعوق چاٹیں
معجون، لعوق قوت باہ
نسخہ الشفاء : ہلیلہ سیاہ 50 گرام، ہلیلہ کابلی 50 گرام، پوست بلیلہ 50 گرام، آملہ مقشر  50 گرام،  فلفل سیاہ  20 گرام، دارفلفل 50 گرام، زنجبیل 20 گرام، بسباسہ 20 گرام، بوز یدان 20 گرام، شیطرج ہندی 20 گرام، شقاقل 20 گرام، تودرین 20 گرام، لسان العصافیئر 20 گرام، کنجند مقشر20 گرام، خشخاش 20 گرام، موصلی سفید 50 گرام
ترکیب تیاری : تمام چیزوں کا سفوف بناکر روغن بادام 200 گرام لےکراسمیں سفوف کو چر ب کریں بعد میں بطریق معروف معجون، لعوق بنالیں
مقدار خوراک : ایک بڑا کھانے والاچمچ صبح نہارمنہ نیم گرم دودھ کیساتھ دن میں ایک بار
25 یوم استعمال کریں
فوائد :‌ قوت باہ کیلیے بہترین ہےاعصابی کمزوری کو دور کرتی ہے امساک بھی خوب کرتی ہے

دواء خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal