پیٹ اور انتڑیوں کے کیڑوں کیلئے، دیسی علاج
پیٹ کے کیڑے مارنے کے لیے، بہترین نسخہ
الشفاء : آنتوں میں کیڑے ہونا ترقی پذیر ممالک میں ایک عمومی مرض ہے اور خصوصاً بچوں میں یہ مرض بہ کثرت پایا جاتا ہے، طبی ماہرین کے اندازوں کے مطابق 5 سے 9 سال تک کی عمر کے قریب 20 تا 40 فیصد بچوں کے پیٹ میں کبھی کبھار کیڑے پیدا ہو جاتے ہیں، ان کی مختلف اقسام ہوتی ہیں، اکثر سال دو سال کے بچوں کے پیٹ میں کیڑے ہوجاتے ہیں، یہ کیڑے بچوں کے فضلے میں دھاگہ نما ٹکڑوں کی صورت میں نظر آتے ہیں، یہ علامت کسی مرض کی تو نہیں لیکن اسے نظرانداز کرنا بھی درست نہیں، پیٹ کے کیڑے اسکول میں ایک بچے سے دوسرے بچے میں اور خاندان کے دیگر افراد میں بھی بآسانی منتقل ہوسکتے ہیں، دراصل رات کو سوتے وقت بچے کے مقعد میں خارش ہوتی ہے یوں کھجلانے پر ان کیڑوں کے انڈے بچے کے ناخنوں میں آجاتے ہیں اور پھر ہاتھوں کے ذریعے یہ انڈے دوسرے افراد میں منتقل ہوجاتے ہیں، پیٹ کے کیڑوں کا علاج بہت آسان ہے ڈاکٹر پیٹ کے کیڑے نکالنے کی دوا دیتا ہے جس سے دست کے ذریعے سے یہ کیڑے پیٹ سے باہر آجاتے ہیں
پاکستان کے بیشتر علاقوں کا مرطوب موسم ان کیڑوں کو سازگار ماحول فراہم کرتا ہے لیکن ان کے پھیلنےکے بے شمار ذرائع اور بھی ہیں، یہ پینے کے پانی میں کسی بھی قسم کی کثافت کی آمیزش سے انسانی پیٹ میں پہنچ سکتے ہیں، سبزیوں اور پھلوں کو اگر بغیر دھوئے استعمال کیا جائے تو بھی ان کے انسانی جسم میں پہنچنے کا اندیشہ ہے، یہ ابتدا میں، یک خلیائی جسم ہوتے ہیں لہٰذا یہ ناخنوں کے ذریعے منہ سے اور ہوا کے ذریعے ناک سے بھی انسانی جسم میں داخل ہونے کا راستہ بنا لیتے ہیں اور گھر سے باہر ننگے پیر گھومنے کی صورت میں پیر کے مساموں سے انسانی جسم میں داخل ہوسکتے ہیں ا گر کسی بچے کو مسلسل پیٹ میں درد، سر میں درد یا کوئی اور جسمانی تکلیف لاحق ہو تو جسمانی تکلیف کے علاج کے ساتھ ساتھ اس بچے کے جذباتی مسائل حل کرنے پر بھی توجہ دی جانی چاہیے جس طرح بڑے جذباتی مسائل کا شکار ہوتے ہیں اسی طرح بچوں کو بھی یہ مسائل درپیش ہوسکتے ہیں وہ اپنے اساتذہ، گھر کے کسی فرد یا اپنے ماحول میں موجود کسی ایسے رویے سے نالاں ہوتے ہیں چونکہ اس وقت انھیں اس مسئلے کا کوئی حل نظر نہیں آرہا ہوتا اس لیے وہ چڑچڑے اور ضدی ہوجاتے ہیں۔پیٹ میں پائے جانے والے کیڑوں کے خلاف ادویات گرچہ موجود ہیں اور یہ کار آمد بھی ثابت ہوتی ہیں تاہم حفظان صحت کی خرابی اور صفائی کے چند بنیادی اصولوں کی اگر پابندی نہ کی جائے، تو یہ ادویات بھی افاقے کا باعث نہیں بن سکتی ہیں
علامات
رات کو معقد میں زور سے خارش ہوتی ہے, مریض ناک کھجاتا ہے، منہ سے رال بہتی ہے، بچہ سوتے میں دانت پیستا ہے، کرم شکم سے پیٹ بڑھ جاتا ہے، گاہے صلابت، گاہے بدہضمی، پیٹ شکم کا درد کبھی دست اور پیچش، چک آتے ہیں، کبھی سینہ و پسلیوں و پشت میں درد پیدا کرتے ہیں، وجع الفواد نیز متلی، جراثیموں سے منہ اور زبان میں ورم ہو جاتا ہے، پیٹ میں ریاحی گولا محسوس ہوتا ہے ان سے پیٹ کا پھوڑا, مراق و مالیخولیا ہو جاتا ہے بعض عورتوں میں کیچوں کے سبب سے ماہواری میں رکاوٹ اور بےقاعدگی پیدا ہوتی ہے، جس سے حمل کا شک ہوتا ہے, اس کے ساتھ گاہے قولنج بھی ہوتا ہے، ایسی عورتیں اولاد سے محروم رہتی ہیں، کبھی مقعد میں خارش بواسیر ہوتی ہے اور جنونوں کا سحتمال ہوتا ہے، کرم شکم جسم میں مختلف عضلات میں اختلاج پیدا کرتے ہیں، رحم کے عوارض
قسمیں، چرنے
اس کے سر میں تین ہونٹوں والا منہ ہوتا ہے، یہ کرم چھوٹے چھوٹے اور دونوں سروں پر گاؤ دُم ہوتے ہیں، پنجابی میں سیونکیں ہیں، کیڑے اندھی آنت میں رہتے ہیں، عام طور پر بچوں کو زیادہ ہوتے ہیں، جب مرض بڑھ جانے تو عورتوں کی ویجائنا یا معدے اور دوسری انتڑیوں میں بھی چلے جاتے ہیں
کدو دانہ، ملپ
یہ کرم لمبے لمبے ہوتے ہیں، اور جوانوں میں زیادہ پائے جاتے ہیں، فیتہ کے مشابہ ہوتے ہیں، اس کے آدھے ٹکڑے پاخانہ میں خارج ہوتے ہیں جو کدو کے بیجوں کی صورت میں ہوتے ہیں، یہ کرم کے سر میں چار ڈنگ اور انسانی آنتوں کے ساتھ چمٹے رہتے ہیں
علامات ان کی موجودگی سے چندیا میں درد، بھوک کی زیادتی، منہ گندہ اور جنرل کمزوری
کیچوے
یہ بھی لمبے اور موٹا، یہ کرم چھوٹی آنتوں میں رہتے ہیں، آنتوں سے مری یا معدہ، ناک یا مقعد، یا مریضہ عورت ہو تو اندام نہانی میں چلے جاتے ہیں، ان کی شکل کیچووں سے ملتی ہے
علامات عام طور پر پیٹ پھولا ہوا رہتا ہے، فم معدہ میں چبھن درد، سیون و مقعد میں خارش جلن خصوصاً رات کو، منہ سے بدبو, کمی بھوک اور پاخانہ بے قاعدگی سے آتا ہے، سردرد، منہ سے رال بہنا، چہرہ زرد، نیند میں دانت پیستا ہے، رفع حاجت کے وقت زور لگانا، بے خوابی بے چینی، رعشہ اور مرگی بھی ہو جاتی ہے، اور کیڑوں کی آوارہ گردی کی وجہ سے مثانہ میں جاسکتے ہیں، اپنڈیسائٹیس پیدا ہو سکتا ہے، اور ورم جگر کا سبب بھی بن سکتے ہیں
ہُک ورم
یہ کلہاڑی نما ہوتے ہیں جو آدھا انچ لمبے ہوتے ہیں, اس کے انڈے پاخانہ میں نکلتے ہیں، انتڑیوں کی رگوں سے خون چوستے ہیں، جب الگ ہوتے ہیں تو پاخانے کے ساتھ خون نکلتا ہے، جس سے مریض دن بدن کمزور ہو جاتا ہے، کمی خون کی علامات ظاہر ہوتی ہیں
پیٹ میں کیڑوں کا سبب بننے والا انفیکشن ایک متعدی مرض ہوتا ہے، اس لیے ایسے بچوں کو دوسرے بچوں سے دور رکھنا بھی ضروری ہوتا ہے، طبی ماہرین کا مشورہ ہے کہ اس عفونت کے شکار بچوں کے لباس کو ہر روز بدلنا، ان کے جسم کو اچھی طرح دھونا، خاص طور پر ان کے ہاتھوں کو منہ میں لگنے سے پہلے دھونا اور ان کے بستر کو صاف ستھرا رکھنا چند بنیادی اصول ہیں جن کی پابندی ضروری ہے۔ ماہرین کا کہنا ہے کہ یہ انفیکشن بچوں سے ماؤں کو بھی لگ سکتا ہے۔ ناخنوں کے ذریعے بھی یہ انفیکشن تیزی سے پھیلتا ہے، اس لیے ناخن تراشنا اور انھیں صاف کرتے رہنا بھی نہایت ضروری عمل ہے پیٹ کے کیڑے بچوں میں خون کی کمی کا باعث بنتے ہیں اور اس وقت 50 سے 60 فیصد بچے اس مرض میں مبتلا ہیں اور 90 فیصد حاملہ خواتین بھی خون کی کمی کا شکار ہیں اس لیے انھیں آئرن اور فولک ایسڈکا استعمال کرنا چاہئے اللہ تعالیٰ نے ماں کے دودھ میں شفا رکھی ہے بچوں کو مہلک بیماریوں سے بچانے کے لیے انھیں پیٹ کے کیڑے مار ادویات پلائیں اور حفاظتی ٹیکہ جات ضرور لگوائیں
کیڑوں کا جسم  اور آنتوں سے خارج کرنا ہی کافی علاج نہیں ہے، بلکہ ہاضمہ کا درست کرنا بھی ویسا ہی ضروری ہے تاکہ کرموں چرنوں کو نشوونما پانے کا مواد نہ مل سکے
اس بیماری کے علاج کیلئے نیچے دیئے گئے آسان گھریلو نسخے ٹوٹکے بھی استعمال کیے جاسکتے ہیں پیٹ کے کیڑوں پر خرفہ کا ساگ، کریلہ، انسر، شفتالو، آڑو اور شریفہ غذائی صورت میں ضرور استعمال کریں،
دھنیا پاؤڈر 3 سے 5 گرام چینی ملا کر صبح شام پانچ روز تک کھائیں، پیٹ کے کیڑے ہمیشہ کے لیے ختم ہوجائیں گے اور دوبارہ کبھی نہ ہوں گے
 کدو کے بیج پیس کر پھلوں کے جوس یا کسی بھی مشروب میں ملا کر پئیں، یا کدو کے بیج پیس کر سویا ملک میں ڈالیں اور ساتھ کچھ پسا ہوا پیاز بھی شامل کرلیں۔ بہتر ہے کہ اسے استعمال کرنے کے تین گھنٹے بعد جلاب لیں۔
آنتوں کے کیڑوں کا ایک آسان علاج انار کے چھلکے ہیں۔ ان چھلکوں کو خشک کرکے پیس لیں اور تقریباً 3 گرام پاؤڈر کو پانی کے بڑے گلاس میں ڈال کرپیئں انار کی جڑ کی چھال بوقت ضرورت لے کر ساےّ میں خشک کر کے سفوف 3 گرام رات سوتے وقت کھائیں کمیلہ مصفے 3 گرام تھوڑے سے گُڑ میں رکھ یا ملا کر کھلائیں، اوپر 40 گرام کسٹرآئل پلائیں  بڑے اشخاص کیلئے
ایک اور سادہ مگر قدرے کڑوا حل یہ ہے کہ ادرک کی چند گھٹلیاں لے کر انھیں پیس لیں یا کدوکش کرکے کچا کھالیں، آڑو پیٹ کا جھاڑو کھلاتا ہے جب اسکا سیزن ہو کھائیں پیٹ کے لئے بہت مفید ہے
تیل نیم یا آڑو کے پتوں کے پانی میں پھریری تر کر کے مقعد میں لگائیں
ہلدی 2 رتی، بابڑنگ دو رتی پانی میں پیس کر چینی ملا کر چٹائیں
بیج ڈھاک 20 گرام، اجوائین دیسی 20 گرام، پیس کر ملا لیں اور بقدر 6 گرام کھلانے سے کیڑوں سے نجات ملتی ہے
ہر قسم کے کیڑوں کو دور کرنے کا مفید علاج
باوبڑنگ 10 گرام، کمیلہ مصفی 10 گرام، تخم ڈھاک 10 گرام، ادویات کو خوب باریک پیس کر ایک سالہ گُڑ میں ملا کر بقدر 6 گرام روزآنہ گرم پانی سے کھلائیں
سفوف سناء مکی
تینوں اخلاط کے نکالنے کیلیے، درد شکم, قولنج اور پیٹ کے کیڑوں کو نکالنے کے لیے
نسخہ الشفاء : سناء مکی 30 گرام، زنجبیل 30 گرام، پوست ہلیلہ زرد 30 گرام، نمک سیاہ 30 گرام، سب ادویہ کو پیس کر رکھیں
مقدار خوراک : ایک چمچ بڑا کھانے والا روزانہ پانی کیساتھ استعمال کریں بچوں کو 1 گرام، تا 5 گرام تک
نسخہ، پیٹ درد، کیڑوں کے، علاج کیلئے گولیاں
پیٹ درد، کیڑوں کا علاج، بلغمی ریاحی درد، قبض کے لیے
نسخہ الشفاء : سنا ء مکی 100 گرام، اجوائن دیسی 50 گرام، زنجبیل 25 گرام، مصبر 25 گرام،اجوائن خراسانی 25 گرام، تمام ادویہ کو باریک پیس کر سفوف بنائیں اور پانی کی مدد سے نکالے چنے کے برابر گولیاں بنا لیں
مقدار خوراک : دو گولی رات سوتے وقت اور صبح پانی کیساتھ استعمال کریں
پیٹ کے کیڑوں کیلئے، دیسی گولیاں
پیٹ کے کیڑوں کو نکالنے کے لیے نسخہ، ٹوٹکہ
نسخہ الشفاء : رسونت مصفی 1 گرام، چاکس مصفی 1 گرام، ہینگ مصفی 1 گرام، مصبر1 گرام، مرچ سیاہ آدھا گرام، نیم کے پتے 5 عدد، سب ادویہ کو پیس کر گولیاں بقدر دانہ جوار بنالیں
مقدار خوراک : بڑوں کو دو گولیاں اور بچوں کو ایک گولی رات کو پانی کیساتھ استعمال کروائیں

دوا خود بنا لیں یاں ہم سے بنی ہوئی منگوا سکتے ہیں
میں نیت اور ایمانداری کے ساتھ اللہ کو حاضر ناضر جان کر مخلوق خدا کی خدمت کرنے کا عزم رکھتا ہوں آپ کو بلکل ٹھیک نسخے بتاتا ہوں ان میں کچھ کمی نہیں رکھتا یہ تمام نسخے میرے اپنے آزمودہ ہوتے ہیں آپ کی دُعاؤں کا طلب گار حکیم محمد عرفان
ہر قسم کی تمام جڑی بوٹیاں صاف ستھری تنکے، مٹی، کنکر، کے بغیر پاکستان اور پوری دنیا میں ھوم ڈلیوری کیلئے دستیاب ہیں تفصیلات کیلئے کلک کریں
فری مشورہ کیلئے رابطہ کر سکتے ہیں

Helpline & Whatsapp Number +92-30-40-50-60-70

Desi herbal, Desi nuskha,Desi totkay,jari botion se ilaj,Al shifa,herbal